Wn/shn/ၸုမ်းလုၵ်ႉၽိုၼ်ႉ ႁူႇတီႇၶဝ် ဢဝ်တရုၼ်း သေ တိုၵ်းတေႃး ဝဵင်းတႄႇလ်ဢႃႇဝီႇ မိူင်းဢိတ်ႇသရေး

ဝၼ်းသုၵ်း၊ ၸူႇလၢႆႇ 19၊ 2024 

ၽၢႆႇသိုၵ်းလႄႈ ၽၢႆႇၶိုၵ်ႉၶၵ်ႉ မိူင်းဢိတ်ႇသရေးၶဝ် လၢတ်ႈဝႃႈ မိူဝ်ႈဝၼ်းသုၵ်း ပွတ်းၼႂ်ၼၼ်ႉ ႁိူဝ်းမိၼ် Drone ဢၼ်ဢီႇရၢၼ်းၶဝ် ႁဵတ်းဢွၵ်ႇၼၼ်ႉ မႃးယိုဝ်း ၵၢင်ဝဵင်းတႄႇလ်ဢႃႇဝီႇ တီႈမိူင်းဢိတ်ႇသရေးလႄႈ ၵူၼ်းတၢႆၵေႃႉၼိုင်ႈသေ ၵူၼ်းမၢတ်ႇၸဵပ်းဢိတ်းဢွတ်း 4 ၵေႃႉၼႆယဝ်ႉ။ ၸုမ်းယိပ်းၵွင်ႈၵၢင်ႇ ႁူႇတီႇ ဢၼ်ယႄႇမႅၼ်ႇၶဝ် ၵမ်ႉထႅမ်ၼၼ်ႉတႄႉ လၢတ်ႈဝႃႈ လွင်ႈတိုၵ်းတေႃး ဢၼ်ဢမ်ႇမီးၶေႃႈပၼ်ၾၢင်ႉ လွင်ႉတိုၵ်းတေႃးႁိူဝ်းမိၼ်ၼၼ်ႉ ပဵၼ်ၶဝ်ႁဵတ်းမႃး ဝႃႈၼႆယဝ်ႉ။

ဝၢႆးသေ သိုၵ်းဢိတ်ႇသရေးၶဝ် မၵ်းမၼ်ႈဝႃႈ ၶဝ်ၶႃႈႁႅမ်တၢႆ ၽူႈၵွၼ်းသိုၵ်း ၸၼ်ႉသုင် ၸုမ်းႁိတ်ႉꩡ်ပူဝ်းလႃႇ ဢၼ်ဢီႇရၢၼ်း ၵမ်ႉထႅမ်သေ ပၵ်းသဝ်း တီႈမိူင်းလႄႇပႃႇၼွၼ်ႇ ပွတ်းႁွင်ႇၼၼ်ႉ ယဝ်ႉလၢႆၸူဝ်ႈမူင်းသေၵေႃႈ ပဵၼ်လွင်ႈတိုၵ်းတေႃးမႃးယဝ်ႉ။ လွင်ႈဢၼ်မၢၵ်ႇတႅၵ်ႇ တီႈႁိမ်းၵိင်ႇၽႄ လုမ်းတၢင်မိူင်းဢမႄႇရိၵၢၼ်ႇ တီႈၼိုင်ႈၼၼ်ႉ ၶဝ်ႁူႉၸွမ်းသေ တီႈလုမ်းတၢင်မိူင်းၼၼ်ႉ ဢမ်ႇမီးလွင်ႈလူႉသုမ်းသင် ၼႆယဝ်ႉ။ မိူင်းဢမႄႇရိၵၢၼ်ႇလႄႈ ယူႇတီႈလုမ်းၽွင်းတၢင်မိူင်းဢမႄႇရိၵ လၢတ်ႈဝႃႈ ၵူၼ်းႁၢပ်ႇၵၢၼ်ၼႂ်းပိုၼ်ႉတီႈ ဢမ်ႇမီးၵူၼ်းတိူဝ်ႉဝၢတ်ႇၸဵပ်းသေၵေႃႉ ဝႃႈၼႆ။ လွင်ႈတိုၵ်းတေႃးဢၼ်လႆႈ လႆႈပဵၼ်မႃး ၵွၼ်ႇၼႃႈ ၸွမ်ၽွင်းလူင် ဢိတ်ႇသရေး ပႅၼ်ႇၸမိၼ်ႇ ၼႄႇတၢၼ်ႇယႃႇႁူႉ တေၵႂႃႇဢႅဝ်ႇမိူင်းဢမႄႇရိၵၢၼ်ႇ ၼႂ်းဝူင်ႈၼႃႈၼၼ်ႉယဝ်ႉ။

ၸုမ်းႁူႇတီႇ လႄႈ ၸုမ်းယိပ်းၵွင်ႈၵၢင်ႇ ဢၼ်ဢီႇရၢၼ်း ၵမ်ႉထႅမ်ၼၼ်ႉ ၶဝ်ႈပႃးၸွမ်း ၸုမ်းယိပ်းၵွင်ႈၵၢင်ႇ ႁႃးမၢတ်ႉသ် တိူဝ်းၼမ်မႃးတိၵ်းတိၵ်းသေ လွင်ႈတိုၵ်းတေႃးၼႆႉ ႁဵတ်းႁႂ်ႈ မီးလွင်ႈမႆႈၸႂ်ဝႃႈ ပၢင်တိုၵ်း တီႈၵႃႇၸႃႇ တေႁၢႆႉၸႃႉလိူဝ်ၵဝ်ႇသေ တေၶႂၢၵ်ႈၵႂၢင်ႈမႃးၼႆယဝ်ႉ။ ၽၢႆႇသိုၵ်းဢိတ်ႇသရေးၶဝ်တႄႉ လၢတ်ႈဝႃႈ တႃႇတေၵႅတ်ႇၶႄ ၼႃႈလိၼ်ၵၢင်ႁၢဝ် ဢိတ်ႇသရေးၼၼ်ႉ တေတိူဝ်းပၼ် လွင်ႈပႂ်ႉလႅၼ်လိၼ် လႄႈ လွင်ႈႁူမ်ႇလူမ်ႈ ၼႆယဝ်ႉ။ မၼ်းလၢတ်ႈဝႃႈ လွင်ႈပၼ်ၾၢင်ႉ လွင်ႈတိုၵ်းတေႃး Drone ၼၼ်ႉ ဢမ်ႇလႆႈဢွၵ်ႇပၼ်လႄႈ တိုၵ်ႉၵူတ်ႇထတ်းယူႇ ၼႆယဝ်ႉ။

ငိူၼ်ႈငဝ်ႈၶၢဝ်ႇ

• Eugenia Yosef, Jennifer Hansler, Eyad Kourdi and Kathleen Magramo. "Yemen’s Houthi rebels claim deadly Tel Aviv drone attack" — CNN, July 19, 2024
• The New York Times. "Houthis Claim Responsibility for Drone Attack That Evaded Israeli Defense Systems" — The New York Times, July 19, 2024
• Paul Goldman and Chantal Da Silva. "Drone strike near U.S. Embassy office in Tel Aviv leaves one dead, Yemen's Houthi rebels claim attack" — NBC News, July 19, 2024
• CBS News. "Yemen's Houthis claim drone strike on Tel Aviv that Israeli military says killed 1 and wounded 8 people" — CBS News, July 19, 2024
• Al Jazeera. "Drone attack on Israel’s Tel Aviv leaves one dead, at least 10 injured" — Al Jazeera, July 19, 2024