Wn/shn/ၸဝ်ႈၸွမ်ၸိုင်ႈႇၶႄ သျီၸိၼ်းၽိင် ႁွတ်ႈထိုင် ၾရၢင်ႇသဵတ်ႈ
ဝၼ်းၸၼ်၊ မေႇ 6၊ 2024
.svg)
.jpg)
မိူဝ်ႈဝၼ်းဢႃးတိတ်ႉၼၼ်ႉ ၸဝ်ႈၸွမ်ၸိုင်ႈၶႄႇ သျီၸိၼ်းၽိင် လႆႈဢွၵ်ႇၶၢဝ်းတၢင်းၸိုင်ႈမိူင်း ႁွတ်ႈထိုင် မိူင်းၾရၢင်ႇသဵတ်ႈယဝ်ႉ။ လႆႈလၢမ်းဝႆႉဝႃႈ တင်း ၸဝ်ႈၸွမ်ၸိုင်ႈ ၾရၢင်ႇသဵတ်ႈ Emmanuel Macron တေဢုပ်ႇဢူဝ်းၵၼ် တႄႇဢဝ် လွင်ႈ လိူင်ႈယူႇၶရဵၼ်း တေႃႇပေႃးထိုင် လွင်ႈၵႃႉၶၢႆ ဝႃႈၼႆယဝ်ႉ။
ၸဝ်ႈၸွမ်ၸိုင်ႈၶႄႇ သျီႇ ဢၼ်ႁွတ်ႈမႃးမိူင်းၾရၢင်ႇသဵတ်ႈ ဢၼ်ပဵၼ် တီႈမၢႆတွင်း ၵၢၼ်ၽွင်းတၢင် ၼႂ်းၵႄႈ မိူင်းၶႄႇ လႄႈ မိူင်းၾရၢင်ႇသဵတ်ႈ တဵမ် 60 ပီၼၼ်ႉ မၼ်းတေသိုပ်ႇႁွတ်ႈထိုင် မိူင်းသႃးဝီးယႃး လႄႈ မိူင်းႁၢင်ႇၵႄႇရီႇ ၸိူဝ်းၼႆႉယဝ်ႉ။ တႄႇဢဝ် ပီ 2019 သေ ၼႆႉ ပဵၼ် ၶၢဝ်းတၢင်းယူးရူပ်ႉပွၵ်ႈဢွၼ်တၢင်းသုတ်း တႃႇ ၸဝ်ႈၸွမ်ၸိုင်ႈၶႄႇ ယဝ်ႉ။
မိူဝ်ႈပီ 2023 လိူၼ်ဢေႇပရႄႇၼၼ်ႉ ၸဝ်ႈၸွမ်ၸိုင်ႈၾရၢင်ႇသဵတ်ႈ လႆႈႁွတ်ႈၽႅဝ်ဢႅဝ်ႇလႄႇ တီႈမိူင်းၶႄႇယဝ်ႉ ၸဝ်ႈၸွမ်ၸိုင်ႈသျီႇၵေႃႈ ၸင်ႇလႆႈလိူၵ်ႈမိူင်းၾရၢင်ႇသဵတ်ႈပဵၼ် မိူင်းဢဵၼ်ႁႅင်းယူႇပိူင်လူင် ၶွင်ယူးရူပ်ႉသေ လႆႈၵႂႃႇဢႅဝ်ႇလႄႇ ၼင်ႇၼႆယဝ်ႉ။ ၶၢဝ်းတၢင်းဢၼ်ၼႆႉ မၼ်းပဵၼ် ၽၢင်ႁၢင်ႈ ၶႄႇၶဝ် ႁပ်ႉယိုၼ်ဝႃႈ မိူင်းၾရၢင်ႇသဵတ်ႈၼႆႉ မီးလွင်ႈႁူမ်ႇငမ်းလႆႈၼိူဝ် ၸုမ်းၽွမ်ႉႁူမ်ႈယူးရူပ်ႉ ဢၼ်ဝႃႈၼၼ်ႉသေ မၼ်းမၢႆထိုင်ဝႃႈ လွင်ႈၵပ်းသိုပ်ႇမိူင်းသွင်မိူင်းၼႆႉၵေႃႈ မီးလွင်ႈဢုၼ်ႇဢူၵ်းဢုၼ်ႇၸႂ်ယူႇ ၼႆယဝ်ႉ။ Peng Liyuan ဢၼ်ပဵၼ် မႄးၼၢင်း ၸဝ်ႈၸွမ်ၸိုင်ႈၶႄႇ ၼၼ်ႉၵေႃႉ လႆႈပႃးမႃးၸွမ်းယဝ်ႉ။
ဝၼ်းၸၼ်ၼႆႉ ၸဝ်ႈၸွမ်ၸိုင်ႈသျီႇ တေႁူပ်ႉထူပ်းၵၼ်တင်း ၽူႈယႂ်ႇၵေႃႇမသျိၼ်ႇယူးရူပ်ႉ Ursula von der Leyen လႄႈ တင်း ၽူႈမီးပုၼ်ႈၽွၼ်းတၢင်ႇၸိူဝ်းသေ ပေႃးယၢမ်းၶမ်ႈမႃးတႄႉ ၸဝ်ႈၸွမ်ၸိုင်ႈၾရၢင်ႇသဵတ်ႈ မႅၵ်ႇၶရုၼ်ႇ တေႁပ်ႉလဵင်ႉ ၶဝ်ႈၶမ်ႈၸိုင်ႈမိူင်းယဝ်ႉ။ ပေႃးဝၼ်းဢင်းၵၢၼ်း ယၢမ်းၼႂ်တႄႉ ၼင်ႇႁိုဝ် ပေႃးတေလႆႈဢုပ်ႇၵၼ် ၸမ်ၸႂ်ၼၼ်ႉ တေႁွင်ႉ ၸဝ်ႈၸွမ်ၸိုင်ႈသျီႇ ၵႂႃႇဢႅဝ်ႇလႄႇတီႈ သၼ်လွႆ Pyrenes တီႈၵူၼ်းတဵတ်ႇယဵၼ်ၼၼ်ႉယဝ်ႉ။ ၽွင်းယၢမ်းၼၼ်ႉတႄႉ ၸဝ်ႈၸွမ်ၸိုင်ႈမႅၵ်ႇၶရုၼ်း တေမီးတႃႇလၢတ်ႈပၼ်ၽၢင်ႉ ၽေးၶဵၼ် ဢၼ်ၵဵဝ်ႇၵပ်းလူၺ်ႈ လွင်ႈၵမ်ႉထႅမ်ပၼ် ရတ်ႈသျႃး ဢၼ်တိုၵ်းတေႃႈယူႇၶရဵၼ်းယူႇၼၼ်ႉၼႆယဝ်ႉ။
ငိူၼ်ႈငဝ်ႈတိုၼ်း
- Agence France-Presse. "China's Xi arrives in France for state visit" — VOA News, May 5, 2024
- Sylvie Corbet. "Macron puts trade and Ukraine as top priorities as China’s Xi opens European visit in France" — AP News, May 6, 2024
- Amandine Hess. "China president visits France, Serbia and Hungary: What is at stake?" — euronews, May 6, 2024
- Al Jazeera Staff. "China’s Xi Jinping begins first Europe tour in five years in France" — Al Jazeera, May 6, 2024
