Wn/scn/Missina, li mèdici litìganu, matri e picciriddu n prògnusi risirvata

sabbatudìa 28 d'austu 2010

Missina: li mèdici litìganu, matri e picciriddu n prògnusi risirvata

Vicenna dê risvolti gravìssimi chidda avvinuta lu jovidìa passatu nta l'unità opirativa d'ostetricia e ginecoluggìa dô Puliclìnicu Univirsitariu "Caitanu Martino" di Missina. Mentri na fìmmina aspittava di figghiari, sicunnu quantu arrifirisci lu maritu dâ pacenti, li mèdici ca s'avìanu a occupari dô partu naturali accuminzaru a litigari, apparentimenti pi mutivi ligati ô travagghiu, trascurannu l'esiggenzi dâ parturienti.

Una vota carmati, li dui mèdici dicìsiru di pratticari un partu cisàriu pi ricupirari la pirduta di tempu, ma duranti lu ntirventu lu nutricu appi pi dui voti n'arrestu cardìacu, mentri picca doppu la matri fu curputa d'emorraggìa. Mentri li cunnzzioni dâ mamma - ca patìu l'aspurtazzioni di l'ùtiru - appàrinu n migghiuramentu, pô nutricu, ricuviratu n prògnusi risirvata, si suspèttanu dammaggi cilibbrali.

Lu succidutu misi sùbbitu n musioni la prucura dô capulocu, cô prucuraturi sustitutu Francisca Rende mpignata ntê ntirrugatori dô pirsunali prisenti ô mumentu dô fattu.

Fonti

• «Medici litigano in sala parto gravi la mamma e il neonato» – la Repubblica, 28 d'austu 2010