Wn/scn/Coppa Italia, lu Siena passa ê riguri

From Wikimedia Incubator
< Wn‎ | scnWn > scn > Coppa Italia, lu Siena passa ê riguri
Jump to: navigation, search

mercuridìa 14 di dicèmmiru 2011

Coppa Italia: lu Siena passa ê riguri, ô Palermu nun abbasta la tripletta d'Iličič. Ntâ jurnata d'aieri, 13 di dicèmmiru 2011, si jucau la sicunna partita di l'ottavi di finali di Coppa Italia ntra Siena e Palermu. Doppu na sfida cummattuta, cunclusa ê riguri, privalìu la squatra biancunìura.

Tutti dui squatri n vista dô mpegnu di Coppa Italia, prifireru schierari n campu diversi riservi, lassannu a riposu li titulari. L'allinaturi dê tuscani Sannino, espulsu ntô turnu pricidenti, vidi lu ncontru dâ tribbuna.

Lu Siena passa n vantaggiu ô 21' grazzi â riti di Reginaldo. Iličič trasforma un riguri ô 39' ripurtannu lu Palermu supra l'1-1, ma un minutu doppu è González a ripurtari li tuscani n vantaggiu. Lu primu tempu si cuncludi supra lu 2-1 pô Siena.

Lu sicunnu tempu si grapi câ sicunna riti d'Iličič ca porta novamenti n parità li dui furmazzioni. Ô 59' Reginaldo rializza la sò duppietta pirsunali: lu Siena s'arritrova pâ terza vota n vantaggiu. Li biancunìuri arrinèscinu a cuntrullari la partita finu a quannu l'àrbitru Gervasoni frisca un riguri a favuri dô Palermu: Iličič dô dischettu nun sbagghia e porta la sò squatra ê supplimintari.

Ê supplimintari l'allinaturi dô Palermu Mangia si fa bàttiri. Bertolo signa ô 98' lu 4-3 pê rosanìuru e Ângelo rializza lu 4-4 ca porta li dui squatri ê càuci di riguri.

Dô dischettu sbagliano Bollino, Iličič e Cetto pô Palermu, mentri vannu a signu González, Pesoli e Ângelo pô Siena, c'arrinesci a accèdiri ê quarti di finali unni ncontra la vincenti dâ sfida ntra Udinese e Chievo Verona.

Fonti[edit]