Wn/sah/БД:Суолта

«Биики Домох» туох баар домоҕу, хаһан эмэ этиллибити, суруллубуту түөрэ барытын хомуйа сатаабат. «Биики Домох» соруга — суолталаах тиэмэҕэ суолталаах этиилэри хомуйуу. Биирдиилээн этии суолтатын быһаарар уустугунан, суолталаах дьон эппиттэринэн сирдэтэбит. Онон быраабылабыт маннык: «Биики Домох» — суолталаах дьон этиилэрин хомуурунньуга.

Сирэй суолтата

Аан бастаан сирэй (ол аата ааптар, айымньы эбэтэр тиэмэ) суолтатын көрөбүт. Тас төрүттэргэ олоҕуран сирэй суолталааҕын дакаастыахтаахпыт.

• «Бикипиэдьийэҕэ» суолталаах тиэмэ манна эмиэ суолталаах.
• Айымньы суолтата ааптарын суолтатыттан тутулуктаах. Суолталаах киһи айымньыта - суолталаах.
• «Бикипиэдьийэ» суолта биэрбэтэх тиэмэтэ манна эмиэ суолтата суох.

Быһаарыы. Сирэй «Бикипиэдьийэҕэ» суох буоллаҕына «Биики Домоххо» угуллубат диир кыахпыт суох. Баҕар, оннук сирэйи Бикипиэдьийэҕэ айа иликтэрэ буолуо, баҕар суолтатыттан тутулуга суох төрүөттэн сылтаан (холобура, ааптар быраабын кэһии) сотон кэбиспиттэрэ буолуо.

Сытаата суолтата

«Биики Домох» кыттааччылара сытаатаны бэйэлэрэ талаллар. Ол эрээри, сытаата сүрүн ирдэбиллэргэ хоруйдуохтаах.

Сытаата (санаа) суолталаах буолар, өскөтө:

• ыстатыйа тиэмэтин, айылгытын арыйар буоллаҕына;
• тугунан эрэ ураты буоллаҕына (ол аата төһөннөн уһун да, оччоннон уратылаах);
• ханнык эмит хос төрүккэ (энциклопедияҕа, тылдьыкка, бэргэн тыл хомуурунньугар, монографияҕа, хаһыакка, сурунаалга уо.д.а.) баар буоллаҕына;
• «Биики Домох» кыттааччылара ырытыыларын түмүгэр суолталаах аатырбыт буоллаҕына.