Wn/nia/Hana wa faoma lafili mbaŵa si dua 2021 ira Uni Emirat Arab, China ba AS ba wondrugi Mars?

From Wikimedia Incubator
< Wn‎ | nia
Wn > nia > Hana wa faoma lafili mbaŵa si dua 2021 ira Uni Emirat Arab, China ba AS ba wondrugi Mars?

WikiTuria – Edöna larugi Mars tölu ngawua göfa samareso banua si yaŵa (wahana peneliti) ba zi ha'uga ngaluo mifönada andre.

Tölu göfa andre möi ba wamareso geologi ba atmosfer Mars ba ba wangalui tandra na so wa'auri nifotöi mikrobakteri ba zi lalö ba da'ö.

Si föföna mondrugi Mars töinia Hope, nifatenge Uni Emirat Arab (UAE), ba ngaluo Salasa (09/02), aefa da'ö köfa moroi ba China, Tianwen-1, si tohare dua hari aefa da'ö, ba afuriatania Perseverance, okhöta NASA, Amerika Serikat.

Molo'ö wama'anö ofeta Perseverance ba Mars ba luo Kami (18/2).

He UAE, China ba AS fefu ira no la'oguna'ö ginötö me otaluara Danö ba Mars no fondrege ahatö. Otalua zi dombua nifotöi planet andre no oi fabö'ö-bö'ö börö me fabö'ö wa'aliora wamasui luo.

Inötö si sökhi wama'ohe'ö köfa ba Mars, eluahania fondrege ma'ifu wanikha ni'oguna'ö, so sakali ero 26 waŵa.

Simane fe'amöi ba Mars ba zi lalö, köfa andre no falukha taha-taha sebua, fao ba da'ö nifotöi fameta'u sebua si fitu menit (teror tujuh menit).

Fameta'u sebua andre sanandrösa ba ginötö me italu'i köfa andrö wanete atmosfer fondrege yaŵa irugi tou dete Mars si ambö töra fitu menit wa'ara.

Matonga moroi fefu misi we'amöi ba Mars si no tefalua, lö mofozu börö da'a.

Sanura: Sirus Laia
Kota: London
Baŵa: 13/2/21

Fabaliŵa lala[edit | edit source]

Kategori: AgamaBudayaEkonomiHukumIlmu PengetahuanNasionalOlahragaPendidikanPolitikTeknologiUmum

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö