Wn/nia/Fa'afökhö zekola gu'ö ba ndraono sekola ba mahasiswa

From Wikimedia Incubator
< Wn‎ | nia
Wn > nia > Fa'afökhö zekola gu'ö ba ndraono sekola ba mahasiswa

WikiTuria – Ato nono zekola irege mahasiswa sabu tödö börö sistem wamaha'ö saröu salua aefa Covid-19.

Fao göi ba da'ö aktris Marsha Aruan. No ibörögö kuliah yaŵa ba gu'ö fatua lö muzawili wökhö korona ba Indonesia.

"No sa mamahaö ba gu'ö ndra'o fatua lö tohare wökhö sebua. Ato zanguma'ö 'lö u'ila wö ulau sekola gu'ö', ba noa sa oföna ndra'o," iŵaö Marsha Aruan simane ni'oturagö Kompas.com ba kanal YouTube MAIA ALELDUL TV, Satu (06/02/2021).

Itutunö Marsha Aruan khö nawönia me föna El Rumi hadia hare me no ara ibörögö kuliah gu'ö .

I'ombakha'ö göi si famai ba film Tembang Lingsir andre hadia mbörö wa kuliah gu'ö ia.

"Na kuliah gu'ö andrö, tola mulau gasa-gasa wohalöŵö. Me ya'ita andre public figure, lö manö mo'ahonoa ginötö wohalöŵö, tola örasoi lö, töra-töra na syuting simane syuting sinetron ma syuting film, itaria afönu sarawaŵa, börö da'ö lö ta'ila sekola ma kuliah," iŵaö Marsha Aruan.

"Börö da'ö me u'ila so kuliah gu'ö, i'anema'ö omasido. Börö tola faoma mulau, mohalöŵö ba mangai fangi'ila," inönö na sa Marsha Aruan.

Baero da'ö ifaduhu'ö göi Marsha Aruan wa kuliah gu'ö nihalönia andrö no irai ahou börö halöŵö si tebai iröi.

Heŵa'ae sistem wamahaö tefalua ba zaröu, iŵaö Marsha, ba ginötö tefalua ujian, fefu mahasiswa si lö tola lö'ö möi ba kampus.

Ba ginötö andrö, sotöi Marsha Elizabeth Aruan andre lö i'ila fao ba ujian börö me i'anema'ö göi so halöŵönia ba negara bö'ö. "Ha ma'ifu tö, no tesis, no arakhagö awai. Ahoudo ma'ifu, börö so masalah absensi, börö me oya mohalöŵö ndra'o ba negara bö'ö," iŵaö Marsha Aruan.

Heŵa'ae simanö, iŵaö Marsha Aruan wa iada'a fefu wamahaö no ba gu'ö ba wolo'ö wamataro zamatörö börö wökhö sebua Covid-19.

Sanura: Sirus Laia
Kota: London
Baŵa: 6/2/21

Fabaliŵa lala[edit | edit source]

Kategori: AgamaBudayaEkonomiHukumIlmu PengetahuanNasionalOlahragaPendidikanPolitikTeknologiUmum

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö