Wn/nan/北韓炸毀南北共同聯絡事務所

【2020年6月16日訊】

File:Before of the destruction of Inter-Korean Liaison Office (2).jpg

南北共同聯絡事務所。

大韓民國統一部今仔日（6月16日）證實，位佇咧開城特別市的南北共同聯絡事務所佇當地時間下晡兩點四十九分已經予北韓（朝鮮）炸毀。這个辦公室是2018年踮開城工業區開始使用的聯絡辦事處。

根據朝鮮中央通訊社的報導，按呢做是為著欲予叛逃的「廢人」（「찌끼」，指無按正常的方法對北韓離開的脫北者）佮𪜶的庇護者為家己的罪行付出代價。

中華人民共和國外交部發言人趙立堅對此表示：「朝鮮佮韓國是仝一个民族，中國算是厝邊，一直希望朝鮮半島保持和平佮穩定。」

露西亞 Kremlin 宮的發言人 Dmitry Peskove 共媒體講：「這是一个予人操煩的問題，阮呼籲雙方攏愛有站節。」

消息來源

• 徐榆涵、李京倫，兩韓聯絡辦公室被炸 文在寅緊急召開國安會議，《聯合新聞網》，2020年06月16日．
• 張子清，開城兩韓聯絡辦公室遭炸 南韓統一部證實北韓炸毀，《中央廣播電臺》，2020年06月16日．
• 北韓炸毀兩韓聯絡辦公室　中國：盼保持和平穩定，《中央通訊社》，2020年06月16日．
• 炸毀兩韓聯絡辦公室　北韓官媒：要人渣付出代價，《TVBS新聞網》，2020年06月16日．
• 北韓炸毀兩韓聯絡辦公室 俄羅斯呼籲雙方克制，《聯合新聞網》，2020年06月16日．
• 특대형범죄행위의 책임은 전적으로 남조선당국에 있다，《통일의메아리방송》，2020年06月15日．