Wn/mkn/Donald Trump Pu Kaka Pu Suara Bocor, Dia Pung Ade Dia Bilang Jahat

From Wikimedia Incubator
< Wn‎ | mkn
Wn > mkn > Donald Trump Pu Kaka Pu Suara Bocor, Dia Pung Ade Dia Bilang Jahat

Prasiden AS Donald Trump pung kaka, Maryanne Trump (Barry), bilang dia pu ade tu jahat. Itu barang ju dia omong deng dia pung ponakan, Mary Trump, yang dong rekam diam - diam.

Rekaman deng transkrip baomong yang makan waktu 15 jam pas 2018 deng 2019 dapa dari Washington Post dari Mary. Ke' kotong tau, Mary suka baomong son bae pi Trump deng bantu Joe Biden di Pilpres Amerika Sarikat (AS).

Di itu rekam, Barry omong bilang Donald tu tukang tipu. Su lama ni, Barry son perna baomong dia pu bakalai deng Donald, ma ini rekaman kastau kalo dong dua su bakalai dari taon 1980.

Itu waktu, Barry pung karja jadi jaksa di New Jersey dia rasa dapa tipu - tipu dari Trump. Dia bilang Trump suka baambil kesempatan ko dapa omong pas dia di atas angin.

Semua itu kepalsuan. Itu kepalsuan dan kekejaman. Donald itu kejam, Barry pu omong pi Mary dari transkrip deng rekaman yang dapa buka dari CNN.com, Minggu (23/8)

Dia pu tampa dapa[edit | edit source]

  • [1] Dapa masok tanggal 24 Agustus 2020, tulisan Basa Indonesiya
  • Gambar son ambil dari barita asli