Wn/lad/El Talibán kontrola aeropuerto de Kabul i selevra retirada de tropas estadounidenses
31 de Ogusto del 2021 · 23 de Elul del 5781
Un portavos del Talibán dijo ke la salida de las tropas ekstranjeras es una viktoria de todos los afganos.
El Talibán selevró este martes la salida de las fuersas ekstranjeras de Afganistán como “una leksyon para otros invasores”, pero ekspresó aspirasyones de mantener buenas relasiones con Estados Unidos i el resto de la komunidad internasionala. En palavras a los reporteros en el aeropuerto de Kabul, el prinsipal portavos del Talibán, Zabiullah Mujahid, felisitó a Afganistan, disiendo ke la partida de las fuersas enkavesadas por Estados Unidos es una viktoria que “pertenese a todos” los afganos, i tanvyen dio una idea de kómo el Talibán a de governar. Rodeado de una unidad de la fuersa élite Badri, los alentó a no tratar mal a los sivdadanos. “Tratar a la povlasyon afgana kon kordialidad i kortesía. El publiko se lo merese”, dijo. Rekordó ke eyos “sirven” a la povlasyon i no deven avusar de sus kompatriotas. El Talibán a prometido organisar el aeropuerto i reanudar los vuelos komerciales lo mas pronto posivle. Sin envargo, parte de la infraestruktura de la instalasyon sufrio danyos en los primeros dias de la toma de Kabul, kuando miles de afganos atemorisados trataron de entrar a la fuersa.
Fuentes[edit | edit source]
- ES : El Talibán controla aeropuerto de Kabul, celebra retirada de EE. UU. Voz de Amérika, 31 de Ogusto del 2021.
- ES : Los talibanes celebran la retirada de tropas estadounidenses en Kabul france24.com, 31 de Ogusto del 2021.
- ES : Talibanes celebran con disparos al aire salida de EE.UU. heraldo.es, 31 de Ogusto del 2021.
La versión orijinal de esta hoja, o partes del teksto, an sido ekstraídas de Voz de Amérika.
Voz de Amérika libera su kontenido bajo el dominio públiko.