Wn/ka/საქართველოს პრეზიდენტი და აზერბაიჯანის ვიცე-პრეზიდენტი ერთმანეთს შეხვდნენ
2019 წლის 28 თებერვალი
სალომე ზურაბიშვილი ოფიციალური ვიზიტით აზერბაიჯანში იმყოფება. ის ქვეყნის პრეზიდენტს, ილჰამ ალიევს შეხვდა, მოგვიანებით კი ზურაბიშვილს ვიცე-პრეზიდენტმა და პირველმა ლედიმ, მეჰრიბან ალიევამ უმასპინძლა. სალომე ზურაბიშვილის „ფეისბუქის“ ოფიციალურ გვერდზე აღნიშნულია, რომ მეჰრიბანთან შეხვედრა „ძალიან უშუალო და ნაყოფიერი იყო“. „ჩვენ უნდა გადავდგათ უფრო მეტი ქმედითი ნაბიჯი, რათა მოხდეს ჩვენი ხალხის კულტურული დაახლოება, ეკონომიკურ თანამშრომლობის გაძლიერებასთან ერთად. ქართველი და აზერბაიჯანელი ხალხი უფრო კარგად უნდა იცნობდეს ერთმანეთს,“ - წერს ზურაბიშვილი.