Wn/jv/Lumba-lumba mati nalika mènèhi pagelaran ing Orlando, Florida, AS
Rabu, 30 April 2008
Sawijining lumba-lumba mati sawisé tabrakan karo lumba-lumba liyané ing tengah udara nalika mènèhi pagelaran ing Discovery Cove, cabang SeaWorld ing Orlando, Florida. Iki kacilakan sing kapisan tau dumadi sawisé taman iki dibuka ing taun 2000.
Lumba-lumbané, sing duwé peparab 'Sharky' iku lumba-lumba wadon umur 30 taun. Dhèwèké tabrakan karo lumba-lumba lanang ajeneng 'Tyler' sing umuré 13 taun nalika pagelaran dina Setu wingi tanggal 26 April 2008.
Lumba-lumba loro iki sadurungé bisa nglakoni pagelaran ini luwih saka ping 100, nanging iki kapisan nalika Sharky nggawé salah pétungan nalika mlumpat. Kurang luwih ana 30 panonton nalika iki kadadéan.