Wn/cdo/Wikinews:tiăng-giéng siăng-ĭng

From Wikimedia Incubator
< Wn‎ | cdoWn > cdo > Wikinews:tiăng-giéng siăng-ĭng
Jump to navigation Jump to search
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

2018 nièng[edit | edit source]

2 nguŏk[edit | edit source]

2018 n. 2 ng. 3 h.

Ngìng-sĭng-chŭng uăk-dông gì siā chŭng-lièng tăng-ôi lā̤, hŏk-sĕng siā „tiĕng“ (添) cê.

Diĕu-éng niĕk nè̤ng-giāng siā chŭng-lièng, Hók-ciŭ Â-hòng nièng-muōi uăk-dông hùng-nó̤h dŭ ô 🎧

Nièng-guăng bók gáu, gĭng-dáng (3 hô̤) Hók-ciŭ Dài-gĕ̤ng Â-hòng Dìng Ùng-lṳ̀ng Siông-cṳ̆-miêu muòng sèng-dău, Hók-ciŭ-chê Gâe̤ng-chĭng-tuàng, gáu-ṳ̆k hiê-tūng ngìng-sĭng-chŭng uăk-dông ṳ̀-gĭ gṳ̄-bâing. Gŏ̤-ū, diĕu-éng, cṳ̆-huák, hùng-nó̤h-miàng dŭ ô. Cĭng sâ̤ nè̤ng lì chăng-guăng, hiêng-diòng iā nâu-iĕk.
>> Sié lŏ̤h tĕ̤k... - Káng dù



2018 n. 2 ng. 18 h.

Hók-ciŭ Săng-dṳ̆ng muô-sók tuàng-bái, sĭng lâu hâu-iū cá̤-cá̤-ék-dòng 🎧

Gĭng-dáng (18 hô̤) â-dáu 2 diēng, Hók-ciŭ Dâ̤-săng Dṳ̆ng-hŏk gṳ̄-bâing lāu sĭng-chŭng tuàng-bái uăk-dông. Săng-dṳ̆ng sĭng lâu hâu-iū dŭ diōng gáu hŏk-hâu, gâe̤ng cê-gă gì sĭng-săng dùng-hŏk păng-gōng, găk hŏk-hâu diē-sié láuk siŏh láuk.
>> Sié lŏ̤h tĕ̤k...



2018 n. 2 ng. 18 h.

2018 nièng Hók-ciŭ Gŏ̤-gék Dṳ̆ng-hŏk sĭng-chŭng tuàng-bái-huôi

2018 nièng Hók-ciŭ Gŏ̤-gék Dṳ̆ng-hŏk sĭng-chŭng tuàng-bái-huôi gĭng-dáng gṳ̄-hèng 🎧

Gĭng-dáng (18 hô̤) â-dáu 3 diēng buáng cō̤-êu, Hók-ciŭ Gŏ̤-gék Dṳ̆ng-hŏk gṳ̄-hèng 2018 nièng sĭng-chŭng tuàng-bái-huôi.
>> Sié lŏ̤h tĕ̤k... - Káng dù



7 nguŏk[edit | edit source]

2018 n. 7 ng. 26 h.

Diòng-lŏ̤h-nè̤ng dò̤-giâ Hók-gióng-sēng Dâ̤ 16 Gái Ông-dông-huôi nṳ̄-gái lâng-ciáh-nè̤ng pùi-tīng 500 mī hâung-mŭk tàu-miàng 🎧

7 nguŏk 21 hô̤, Hók-gióng-sēng Dâ̤ 16 Gái Ông-dông-huôi pùi-huà-tīng bī-suói găk Kŭ-chèng Chói-bìng-hù giék-sók lāu. Diòng-lŏ̤h ông-dông-uòng Dìng Hĭng-ì gâe̤ng dôi-iū hăk-cáuk, dò̤-giâ lāu nṳ̄-gái ék-cū lâng-ciáh-nè̤ng gì pùi-tīng 500 mī gì tàu-miàng gâe̤ng nṳ̄-gái ék-cū siŏh-ciáh-nè̤ng gì pùi-tīng 200 mī gì dâ̤ 4 miàng.
>> Sié lŏ̤h tĕ̤k... - Káng dù



2018 n. 7 ng. 28 h.

Cūng-giŏk-suói gì ū-dài

Dâ̤ 3 Gái Hók-ciŭ-ngṳ̄ Gŏ̤-ké̤ṳk Duâi-suói Hók-ciŭ Suói-kṳ̆ Cūng-giŏk-suói giék-sók 🎧

Gĭng-dáng (28 hô̤), Dâ̤ 3 Gái Hók-ciŭ-ngṳ̄ Gŏ̤-ké̤ṳk Duâi-suói Hók-ciŭ Suói-kṳ̆ Cūng-giŏk-suói giék-sók. Bī-suói găk Dĕ̤ng Nê-kuàng-lô Tái-huò Kiŏk-diòng gṳ̄-hèng, buŏng lāu siéu-ì-cū gâe̤ng sìng-ìng-cū. Cā-tàu sê niè-giāng-gŏ̤ bī-piâng, â-dáu sê duâi-nè̤ng gêng-gié. Bī-suói gáu-muōi sōng chók 17 ciáh nè̤ng, gì-dṳ̆ng siéu-ì-cū 7 ciáh, sìng-ìng-cū 10 ciáh. Ìng gì nè̤ng â̤ găk siŏh-kṳ̀ng kó̤ Mā-cū, chăng-gă ciòng-giù cūng-giŏk-suói, gâe̤ng Dài-uàng, Mā-lài-să̤-ā gì gŏ̤-chiū bī-piâng. Cī siŏh-huòi céng-gék gì sōng-chiū, gó â̤ ô gĭ-huôi chăng-ṳ̀ «2019 Sié-gái Hók-ciŭ Sĕk-ék Chŭng-uāng».
>> Sié lŏ̤h tĕ̤k... - Káng dù



8 nguŏk[edit | edit source]

2018 n. 7 ng. 28 h.

Gāi-huòi gô dê-miàng, Hók-ciŭ Â-iêng biéng Gá̤-iêng 🎧

Téng 8 nguŏk 1 hô̤ kī, Hók-mā-lô gà̤-dēng „Â-iêng Gŭng-gău Cūng-câng“ gŭng-gău-câng gâing-miàng ôi „Gá̤-iêng Gŭng-gău Cūng-câng“, „Gū-săng Dṳ̆ng-hŏk“ gŭng-gău-câng gâing-miàng ôi „Gá̤-iêng Siēu-hŏk“. Hók-ciŭ-chê Dô̤-guōng-ché̤ṳ Gŭng-gău-kuŏ Làu Hiēu-hŭng kuŏ-dòng gāi-sék lāu ôi sié-nó̤h gāi-miàng. Ĭ gōng: „Gì-sĭk, Â-iêng dê-miàng sê ī-nguò diòng-nguò.“ Làu kuŏ-dòng gōng, Hók-ciŭ-chê Dê-miàng-bâing có̤i-gê̤ṳng hâ-huák siŏh-hông ùng-giông, gōng găk kī dê-miàng gì sèng-hâiu, diŏh cêng-liông hŭi-hók gū dê-miàng, huàng-nguòng dê-huŏng lĭk-sṳ̄ gâe̤ng ùng-huá gé-é.
>> Sié lŏ̤h tĕ̤k... - Káng dù