Wn/cdo/2018 nièng Gŏ̤-kō̤ tàu siŏh kuŏ kō̤ uòng, cáuk-ùng dà̤-mŭk gŭng-buó
.jpg)
2018 n. 6 ng. 7 h. Hók-ciŭ séng
Gĭng-dáng (6 nguŏk 7 hô̤) 9:00 gáu 11:30, sê Dṳ̆ng-guók Dâi-lṳ̆k Gŏ̤-kō̤ gì tàu siŏh kuŏ — ngṳ̄-ùng gì kō̤-cṳ̆ sì-găng. Hŏk-sĕng kō̤ uòng, Mì-gĭ Gé-ciā dâ̤-ék sì-găng dò̤ gáu lāu cī siŏh huòi Ciòng-guók Ék-guóng (全國一卷) cáuk-ùng gì dà̤-mŭk. Dà̤-mŭk nguòng-ùng sāi Guăng-uâ băh-uâ-ùng siā, nô̤i-ṳ̀ng sê:
閱讀下面的材料，根據要求寫作。
2000年 農曆庚辰龍年，人類邁進新千年，中國千萬「世紀寶寶」出生。 2008年 汶川大地震，北京奧運會 2013年 「天宮一號」首次太空授課；公路「村村通」接近完成；「精準扶貧」開始推動。 2017年 網民規模達7.72億，互聯網普及率超全球平均水平 2018年 「世紀寶寶」一代長大成人 2020年 全面建成小康社會 2035年 基本實現社會主義現代化 一代人有一代人的際遇和機緣，使命和挑戰，你們與新世紀的中國一路同行、成長，和中國的新時代一起追夢、圓夢。以上材料觸發了你怎樣的聯想和思考？請據此寫一篇文章，想象它裝進「時光瓶」留待2035年開啟，給那時18歲的一代人閱讀。
要求：選好角度，確定立意，明確文體，自擬標題，不要套作，不得抄襲，不得洩露個人信息：不少於800字。
Huăng-ĭk siàng Bàng-uâ sê:
Tĕ̤k â-dā̤ gì cài-lâiu, áng iéu-giù siā-cáuk.
2000 nièng Nùng-lĭk gĕng-sèng lṳ̀ng-nièng (庚辰龍年), ìng-lôi giàng-diē sĭng chiĕng-nièng, Dṳ̆ng-guók chiĕng-uâng „sié-gī niè-giāng“ chók-sié. 2008 nièng Ông-chiŏng (汶川) dê-ngù diōng-giĕng, Báe̤k-gĭng có̤ Ó̤-ông-huôi (奧運會) 2013 nièng „Tiĕng-gṳ̆ng Ék-hô̤“ (天宮一號) tàu siŏh huòi tái-kŏng gá-cṳ̆; gŭng-lô „chŏng-chŏng-tŭng“ (村村通) ciék-gê̤ṳng uòng-siàng; „cĭng-cūng hù-bìng“ (精準扶貧) kăi-sṳ̄ chŭi-dông. 2017 nièng Uōng-mìng giĕ-muò dăk 7.72 é, Hô-lièng-uōng (互聯網) puō-gĭk-lŭk chiĕu-guó sié-gái bìng-gĭng cūi-bìng 2018 nièng „Sié-gī niè-giāng“ siŏh dâi biéng-siàng duâi-nè̤ng 2020 nièng Ciòng-méng gióng-siàng siēu-kŏng siâ-huôi (小康社會) 2035 nièng Gĭ-buōng sĭk-hiêng Siâ-huôi Ciō-ngiê Hiêng-dô̤i-huá (社會主義現代化) Siŏh dâi nè̤ng ô siŏh dâi nè̤ng gì cié-ngê̤ṳ gâe̤ng gĭ-iòng, sé̤ṳ-miâng gâe̤ng tiĕu-ciéng, nṳ̄ gáuk-nè̤ng gâe̤ng sĭng sié-gī gì Dṳ̆ng-guók găk siŏh diô cà̤ giàng, sìng-dòng, gâe̤ng Dṳ̆ng-guók gì sĭng sì-dô̤i găk siŏh dŏi dŭi-móng (追夢), uòng-móng (圓夢). Ī-siông cài-lâiu niông nṳ̄ ciōng-gì lièng-siōng, sṳ̆-kō̤? Chiāng siā siŏh piĕng ùng-ciŏng, siōng-chiông ùng-ciŏng diō-diē „sì-guŏng-bìng“ (時光瓶) làu gáu 2035 nièng gái kŭi, ké̤ṳk hiā sèng-hâiu 18 suói gì siŏh dâi nè̤ng tĕ̤k.
Iéu-giù: có̤ chĭng-chū gáe̤k-dô, lĭk-é, ùng-tā̤, cê-gă kī biĕu-dà̤, mâ̤ sāi tó̤-cáuk, chău-sĭk, siék-ló gó̤-ìng séng-sék; ùng-ciŏng guó 800 cê.
Â-dáu 3:00 gáu 5:00 kō̤ só-hŏk. Mìng-dáng cā-tàu kō̤ ùng-cŭng, lī-cŭng, â-dáu kō̤ nguôi-ngṳ̄.
Siĕu-sék lài-nguòng[edit | edit source]
- 福州3.2万名学子7日高考 6日下午各考场布置完毕. 福州新聞網.