Wn/cdo/福清海絲文化展示週:小學生表演傀儡戲

From Wikimedia Incubator
< Wn‎ | cdo
(Redirected from Wn/cdo/福清海絲文化展示週:小學生表演提線木偶)
Wn > cdo > 福清海絲文化展示週:小學生表演傀儡戲

【2018年2月19號訊】

前日(17號)三坊七巷宗陶齋,福清海絲文化展示週倛活動繼續舉辦。福清非物質文化遺產——傀儡戲倛傳承人林松生共福清市城關小學傀儡戲社團,乞大家表演了茲蜀種傳統技藝。

福清傀儡戲有150多年的歷史,收錄著福清市第二批非物質文化遺產名錄裏勢。福清野価鄉鎮倛儂,若卜做節,或者慶祝什乇事計,都會邀請傀儡戲班,去廣場或者廳中表演。昨暝帶𡅏小學生表演倛林松生,就是茲蜀種戲倛第五代傳承人。七年前林松生向《東南快報》記者介紹倛時候,講福清倛傀儡戲共閩南、莆仙等等地方都𣍐蜀樣,福清傀儡吊掛線共總有13條,總款會讓傀儡活動起去固活,表演形式也固豐富。以前福清農村愛看傀儡戲倛𣍐少,遘新世紀以後,愛看倛儂含不撮𡅏變少去。固加卜演好傀儡戲,需要三四年時間練基本功,故此傀儡戲可能就無儂傳承了。三年前,福清有關部門邀請林松生去福清城關小學教傀儡戲,之後教出蜀堆復蜀堆新生力量。今旦著宗陶齋𡅏表演完,觀眾倛反響讓林松生盡去野激動。林松生講:「今旦儂野価,野熱情,我野感動。」共伊表演倛學生陳鑫源,也講自家見覺這戲野有味。

消息來源[edit | edit source]