Wn/cdo/德國講中國有使激光瞄準德軍其飛機，中國反駁

【2025年7月12號訊】

中國否認德國指控伊其軍艦有使激光（雷射）瞄準蜀架軍隊其飛機，這兩芘國家外交爭端變野嚴重，這件事計引發大家儂其注意。

德國指控中國這個月日頭先早卜想干擾伊其蜀架軍用飛機，許蜀架飛嘻前後敆𡅏參加歐盟主導其行動，目的就是卜保護紅海𡅏行其船，無受遘也門（葉門）胡塞叛軍發射其飛彈攻擊。

德國外交部已經召見中國駐德國其大使，故講這件事計是「完全無辦法接受」。歐盟許邊也召見了中國駐歐盟其代表。

北京許邊就反駁講，德國其講法「共中方仈轉其事實完全儥同樣」。

拜二，德國講有蜀架偵察機飛過紅海其時候，乞中國軍艦使激光鎖定。由2024年初開始，有幾芘歐洲國家直直敆許塊參加監控共防禦其行動，為著保護船免受也門胡塞武裝其飛彈攻擊。

消息來源