Wn/cdo/川普金正恩會談所在：蒙古或者新加坡
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年4月29號訊】
美國哥倫比亞廣播公司（CBS）拜六（28號）援引消息人士其話講，美國總統川普共朝鮮最高領導人金正恩會晤其所在會敆蒙古共新加坡之間選出。
之前，川普對記者講，會談選址範圍已經縮小，儷長兩萆國家。
川普拜六敆推特講：「乍共韓國總統文在寅進行了很好其長時間通話。事計進展得野順利，共朝鮮其會談時間共地方都敆𡅏決定。」
川普固講，伊固共日本首相安倍晉三拍了電話，對伊告知了「敆𡅏做其談判」其情況。
拜五，川普敆記者會表示：「我將來幾禮拜之內會共金正恩會面。儂家期待茲蜀回會晤。」
