Wn/be/Археолагі выявілі схаваную піраміду ў старажытным горадзе мая

17 лістапада 2016

Археалогія

Паўночная Амерыка

Вонкавая Піраміда (храм) Кукулькана

Мексіканскія і амерыканскія археолагі ў старажытным горадзе мая Чычэн-Іца ўнутры храма Кукулькана выявілі яшчэ адну піраміду.

Яна дасягае 10 метраў у вышыню. Унутраная піраміда датуецца 500—800 гадамі нашай эры. Верагодна, яна мае лесвіцу і алтар у верхняй частцы.

Унутры храма Кукулькана, паводле меркавання прафесары антрапалогіі Джофры Брасвела з Каліфарнійскага ўніверсітэта ў Сан-Дыега, можа існаваць набор з некалькіх невялікіх пірамід.

Раней навукоўцы знайшлі ўнутры Кукулькана яшчэ дзве ўкладзеныя адна ў адну піраміды. Адкрытая структура стала трэцяй і самай маленькай. Пра наяўнасць унутры храма другой піраміды археолагам было вядома з 1940-х гадоў. У 2015-м пад пірамідай Кукулькана даследчыкі выявілі падземнае возера.

Піраміда Кукулькана (бога ветру, вады, агню і паветра) пабудавана мая ў перыяд з IX па XII стагоддзе. Яна служыла для культавых мэт (на яе вяршыні размяшчаўся храм, у якім вернікі здзяйснялі чалавечыя ахвярапрынашэнні — успорвалі жываты і вырывалі сэрцы), а таксама ў якасці календара.

Горад Чычэн-Іца, у якім размешчана піраміда, быў заснаваны ў VI стагоддзі, а ў канцы XII стагоддзя спусцеў. У 1988 годзе старажытны горад быў унесены ў спіс аб'ектаў Сусветнай спадчыны ЮНЕСКА, якія штогод наведваюць больш за мільён турыстаў.

Крыніцы

{{Wn/be/Каментарыі:Template:Wn/be/PAGENAME}}