Wn/az/ABŞ Venesueladakı diplomatik heyətini geri çəkib

From Wikimedia Incubator
< Wn‎ | azWn > az > ABŞ Venesueladakı diplomatik heyətini geri çəkib
Jump to navigation Jump to search

12 mart 2019, Çərşənbə axşamı

ABŞ xəbərləri
ABŞ-ın yerləşdiyi ərazi

ABŞ-ın yerini göstərən xəritə

ABŞ-dakı digər xəbərləri görmək, dəyişdirmək və ya başlatmaq üçün, ABŞ Portalına baxın.
Flag of the United States.svg
Venesuela xəbərləri
Venesuelanın yerləşdiyi ərazi

Venesuelanın yerini göstərən xəritə

Venesueladakı digər xəbərləri görmək, dəyişdirmək və ya başlatmaq üçün, Venesuela Portalına baxın.
Flag of Venezuela (state).svg

11 mart 2019-cu il tarixində ABŞ hökuməti Karakas şəhərində yerləşən Venesuelaya olan səfirliyinin işçilərini geri çəkmək barədə qərar qəbul edib.

ABŞ bir həftə ərzində Venesualadakı diplomatik heyətinin bütün üzvlərini geri çəkəcək. ABŞ Ştat Departamentinin verdiyi açıqlamaya görə, buna səbəb ölkədəki "fənalaşan vəziyyət" olub.

2018-ci ilin aprel ayından bəri ABŞ Dövlət Katibi olan Mayk Pompeo şəxsi "Twitter" hesabında yayımladığı paylaşıma görə, Karakas şəhərindəki heyətin saxlanılması "ABŞ siyasətində sıxıtıya çevrilib".

2019-cu ilin yanvar ayında ABŞ hökuməti bütün az əhəmiyyətli işçilərə Venesuelanı tərk etməsi əmrini vermişdi.

Geniş yayılmış elektrik kəsilmələri və humanitar böhranın ağırlaşması Venesuelada kütləvi aksiyalara səbəb olmuşdu.

Səfirliyin boşaldılması qərarı 11 mart 2019-cu il tarixində, gecə saatlarında qəbul edilmişdi. Qərarın qəbul edilməsindən sonra Mayk Pompeo jurnalistlərə Venesuela Prezidenti Nikolas Maduro ilə bağlı tənqidi şərhlər etmişdir. O, bu açıqlamada belə deyib: "Nikolas Maduro venesuelalılara sosialist bir behiştdə daha yaxşı bir həyat vəd etmişdir. O, xalqı sosializm ilə təmin edib... bəs behişt? O qədər də yox."

İki ölkə arasındakı münasibətlər yanvar ayından bəri gərginləşib. Buna səbəb ABŞ-ın Nikolas Maduronun ikinci müddətə prezident seçilməsi ilə əlaqədar həyata keçirdiyi andiçmə mərasiminin ardından baş qaldıran çox minlik mitinqlərin fonunda özünü prezident səlahiyyətlərinin icraedicisi elan edən Venesuela Milli Asambleyasının Spikeri Xuan Quaydonu dəstəkləməsidir.

Yanvar ayında Venesuela Prezidenti Nikolas Maduro ABŞ diplomatlarına ölkəni tərk etmələri üçün 72 saat vermiş, ancaq ABŞ hökuməti "keçmiş prezident"in bu əmri yerinə yetirəcək səlahiyyətinin olmadığını bildirmişdir.

Mənbə[edit]


Bookmark-new.svg