Wn/anp/प्रो-कबड्डी-२०१७ - पटना पाइरेट्स न॑ तेसरऽ बार करलकै खिताब प॑ कब्जा
मुंबई । प्रो-कबड्डी-२०१७ केरऽ खेललऽ गेलऽ फाइनल म॑ आय गुजरात फॉर्च्यून जायंट्स क॑ ५५-३८ स॑ हराय क॑ पटना पाइरेट्स न॑ तेसरऽ बार खिताब प॑ कब्जा करी लेलकै ।[1]
पटना न॑ सीजन-३ आरू सीजन-४ में लगातार दू बार लीग केरऽ खिताब अपनऽ नाम करल॑ छेलै । वू तेसरऽ बार लीग केरऽ फाइनल में पहुंचलऽ रहै । स्टार रेडर प्रदीप नरवाल केरऽ टीम न॑ क्वालीफायर-२ में गुरुवार क॑ खेललऽ गेलऽ मैच में बंगाल वॉरियर्स क॑ मात द॑ क॑ खिताबी मुकाबला में कदम रखल॑ चेलै । जबकि, गुजरात न॑ क्वालीफायर-१ में बंगाल क॑ ही हराय क॑ फाइनल में प्रवेश करल॑ छेलै । गुजरात न॑ टॉस जीती क॑ कोर्ट चुनल॑ छेलै । पटना पाइरेट्स केरऽ डिफेंस काफी मजबूत नजर आबी रहलऽ छेलै ।
गुजरात फॉर्च्यून जायंट्स केरऽ टीम म॑ शामिल छेलै : रेडर- अमित राठी, महेंद्र गणेश राजपूत, पवन कुमार शेरावक, राकेश नरवाल, सचिन, सुकेश हेगड़े, सुल्तान डांगे । डिफेंडर – अबोजर मोहाजेर मिघानी, सी कालिया अरासान, मनोज कुमार, प्रवेश भाईंसवाल, सुनील कुमार, विकास काले । ऑलराउंडर – महिपाल नरवाल, रोहित गुलिया, सियोंग रियोल किम ।
जबकि पटना पाइरेट्स केरऽ टीम म॑ शामिल छेलै : रेडर – मोहम्मद जाकिर हुसैन, मोनू गोयत, विजय, विकास जागलान, विनोद कुमार, विष्णु उथमन । डिफेंडर – जयदीप, मनीष कुमार, सचिन शिंगड़े, संदीप, सतीश कुमार, वीरेंद्र सिंह, विशाल माने । ऑलराउंडर – अरविंद कुमार, जवाहर, मोहम्मद मगशोडलू, प्रवीण बीरवाल, प्रदीप नरवाल ।