管理员权限是畀勒社区当中牢靠个大好佬个，渠应当熟悉维基百科个政策。管理员权限弗好理解成编辑审核权。
管理员只必过是个牢靠个用户，渠可以：
- 保护、弃脱保护页面
- 删除、反删除页面
- 删除图片搭仔别个上传个文件
- 封堵、解封用户
- 编辑界面搭仔别个受保护页面
倷只要达到下头个条件，就可以申请做管理员：
- 倷对维基媒体个项目弗是一眼眼也弗晓得，倷当过起码2个号头个编辑员，外加倷清爽也同意居个项目个目标。
- 倷勒海维基百科浪向有用户页面外加勒居搭做过贡献。
- 倷同意遵循相关个政策，尊重用户个共识。
- 用户能达成共识认为倷能够成为一个合适个管理员。
