Jump to content

Wb/su/Resép:Ikan cakalang bakar

From Wikimedia Incubator
< Wb | su
Wb > su > Resép:Ikan cakalang bakar

Ikan Cakalang bakar téh kadaharan laut has Nusantara hususna di daérah Indonésia Wétan (Sulawesi Kalér jeung Maluku) anu ngahijikeun tékstur daging lauk cakalang nu kandel jeung bumbu anu nyerep pisan. Proses ngabeuleumna méré seungit haseup nu has tur ngahudang napsu dahar. Ieu kadaharan boga campuran rasa gurih, amis, jeung rada lada, matak cocog pisan disuguhkeun jadi ménu utama bareng jeung sangu haneut sarta sambel dabu-dabu nu seger.

Bahan-bahan

[edit | edit source]
  • 1 siki lauk cakalang seger ukuran sedeng (bersihan jeronna, beulah dua ulah nepi ka potong, terus keureutan dagingna)
  • 2 siki jeruk nipis (peres caina)
  • 1 séndok entéh uyah
  • 8 sihung bawang beureum
  • 4 sihung bawang bodas
  • 5 siki cabé beureum keriting (saluyukeun jeung kahayang ladana)
  • 3 siki céngék beureum
  • 3 siki muncang (sangray heula)
  • 2 cm jahé
  • 2 cm konéng (beuleum sakeudeung)
  • 1 séndok entéh katuncar bubuk
  • 1 séndok téh uyah
  • 1/2 séndok entéh kaldu supa/panyedap (teu wajib)
  • 4 séndok makan kécap amis
  • 2 séndok makan minyak kalapa atawa mantéga cair
  • 1 séndok makan cai peresan asem jawa

Cara nyieun

[edit | edit source]
  • Kumbah beresih lauk cakalang nu geus disiapkeun. Baluran sakabéh awak lauk ku cai peresan jeruk nipis jeung uyah sing rata sangkan bau hanyirna leungit. Antepkeun kurang leuwih 15-20 menit, terus kumbah deui nepi ka beresih.
  • Lemeskeun bawang beureum, bawang bodas, cabé, muncang, jahé, konéng, katuncar, jeung uyah maké cowét atawa blender. Pastikeun bumbuna bener-bener lemes ngarah gampang nyerep kana daging laukna.
  • Pindahkeun bumbu nu geus dilemeskeun kana mangkok. Tambahkeun kucap amis, minyak kalapa (atawa margarin cair), jeung cai peresan asem jawa. Galokeun lalaunan nepi ka sakabéh bahan olésan pacampur rata.
  • Baluran lauk cakalang ku satengah bagian tina bumbu olésan tadi. Pastikeun bumbuna asup kana sela-sela keureutan lauk. Antepkeun deui salila 10 menit ngarah bumbuna nyerep saacan dibeuleum.
  • Siapkeun parabot panggangan. Lamun maké panggangan areng, pastikeun ruhak apina geus hurung rata. Olésan saeutik minyak kana beusi panggangan ngarah kulit lauk teu rapet (lengket).
  • Beuleum lauk cakalang luhureun panggangan maké seuneu sedeng. Beuleum nepi ka daging lauk robah warna jeung jadi satengah asak, kurang leuwih 5-7 menit keur unggal gigirna.
  • Paké kuas masak keur ngoléskeun sésa bumbu olésan sing rata kana sakabéh awak lauk nu keur dibeuleum. Laksanakeun ieu prosés 2-3 kali bari ngabula-balik lauk.
  • Teruskeun ngabeuleum lauk nepi ka asak pisan, bumbuna ngagumpal (terkaramelisasi), jeung aya bagian nu rada tutung saeutik (ambeu smoky). Angkat lauk ati-ati.
  • Pindahkeun cakalang beuleum kana piring. Kadaharan geus siap didahar mumpung haneut kénéh.