Wb/ryu/高麗口(正)

高麗口 (kōrēguchi 高麗口:한국어/hangugeo/ 大和口:韓国語/kankokugo/ 北高麗口:조선어)や、高麗半島ぬ大韓民國・朝鮮民主主義人民共和國をぅとーてぃ使ーらっとーる言葉やん。大韓民國とぅ朝鮮民主主義人民共和國ぬ國語やん。

概要

約5,200萬ぬ韓國人、2,500萬以上ぬ北高麗人、約280萬ぬ亜米利加合衆國てぃんがる加奈陀ぬ韓國系亜米利加人、韓國系加奈陀人、約190萬ぬ中國籍ぬ朝鮮族、約80萬ぬ在日韓國・朝鮮人とぅ朝鮮系日本人、約70萬ぬ露西亞てぃんがる中央アジア、ヨーロッパぬ高麗人ぬ間をぅてぃ話さっとーん。やしが、くり達ぬ内ウズベキスタンてぃんがるカザフスタンんでー、中央アジアをぅてぃ話さっとーる言語や「中央アジア高麗語」とぅしてぃ、別言語扱ぇーとぅさりる場合んあん。

現在ぬ大韓民國ぬ標凖口あらんてー朝鮮民主主義人民共和國ぬ文化口ぇー、朝鮮王朝ぬ宮処が壱定してぃ漢城府(今ぬソウイ)でぃあたるくとぅから、ソウイ特別市ぬ言葉ぬベイスとぅなとーん。やしが、北高麗をぅて、文化口ぇー平壌直轄市ぬ言葉基凖とぅそーる建前やん。

言語類型論ぬ観点からんじれー、大和口とぅゐぬ膠着語やんなてぃ、修飾語や被修飾語んかい先行してぃ、前置詞やあらでぃ後置詞使いん。歴史的に大和口てぃんがるヴェッナン口とぅゐぬぐとぅ漢字文化ぬ影響ぬあしが、現在ぬ表記ぇー、主や諺文ぬ使らりーん。

南高麗、北高麗をぅてぃなーめーめー規範形ぬ定みらりとーる複数中心地言語でぃんあん。言語学的やる基凖からしぇー南高麗をぅてぃ話さりとーる言語とぅ北高麗をぅてぃ話さりとーる言語やゐぬ言語や (要しぇー、南高麗・北高麗やまじゅん互ぇーぬ言語うんなし言語とぅそーん) しが、南北んかえー発音・言葉・文法・正書法んでーんかい違いがあん。