Wb/pag/Diad Sika

Labay kon naandi
kadyad isip
tan ag taka la
nanunotan
ta andi arum sika so
sengegan
na agew-labin ag ko
pakaogip

Lalo ta ag kon balut
nitepel
so mandalem na arok ed sika
ta amtak so ag kod sika kikana
amtak so ag ko kinepeg ya akoen

Bangbalet no say talintaom
so onparungtal ed sanduan matak
naponas ed pagew koy irap
tan nawakasan ed gonigon

Ag lanlamang sirin nayari
ya diad isip ko ekalen taka
ta diad siak sengeg kay inawa
tan ligliwa ed agew-labi

Kapigan balet mablin punay
so iselep na sibeg na pusom
no andi ematalek mod sayan anlong
maganuy pagmaliw kon bangkay.