Wb/nia/Töi ba fame'e töi ba Nono Niha

From Wikimedia Incubator
< Wb‎ | nia
Wb > nia > Töi ba fame'e töi ba Nono Niha

Töi niha ba Nono Niha tenga ha sambalö, tenga ha töi nibe'e zatua me tumbu ndraono. Baero döi si'oroi ba wa'atumbu so nasa döi bö'ö sito'ölö te'oguna'ö. Ero töi nibe'e andrö ba oi so geluahania, he molo'ö satua same'e töi ba he göi molo'ö niha bö'ö same'e töi khö zokhö töi. Eluaha döi nibe'e andrö ba faudu si'ai ia ba dödö ma ni'era-era zame'e töi, he satua ba he göi niha bö'ö ma sato khö zokhö töi.

  • Töi Wa'atumbu,
  • Töi na no Mangowalu,
  • Töi na no Molau Owasa ma Molau Tome.

Na so gokhöta ma zui omasi tedöu wetaro bakha ba mbanua ba tola manö si samösa niha isöndra döi sibohou nibe'e mbanua ma öri. Fame'e töi andrö khönia ba tola alua na ifalua gowasa ma molau tome. Gofu hadia nifaluania, he owasa ba he folau tome ba oi so goigoinia molo'ö fondrakö ba nahia si so ia. Dumadumania famalua owasa molo'ö Fondrakö Laraga, molo'ö Fondrakö Moro'ö, molo'ö fondrakö Hilisimaetanö, ba tanö bö'önia oi fabö'ö he waöwaö wamalua ya'ia, he fa'oya mbawi nifahö sitobali sumange mbanua ba satua hada nikaoni, he ba zisambua banua khönia ba he göi moroi ba mbanua bö'ö sitobali samaigi ba sangaro wetaronia me no ilau gowasa.

Na me föna, natefalua gowasa ba tola manö tefahö ngaotu mbawi satabö. Itugu oya mbawi nifahö ba itugu ebua döi ba he göi fetaro zamalua owasa. Na no ifalua da'ö ba tebe'e khönia döi sibohou simane Balugu Sanösö Tanö, Balugu Sendroro, btn. Sito'ölönia fame'e töi andrö ba lafaudugö ba wetaro nikhamönia ba wamalua owasa ma folau tome. Töi nibe'e ma nisöndra zi samösa niha na no ilau gowasa ma folau tome tola teŵa'ö töi sumange ba töi fangoroma wetaronia ba hada ma ba mbanua. Ero so haöŵö hada simane falöŵa ba lö-tola-lö tekaoni ia ba döi da'ö. Lö sa'ae tekaoni khönia döinia meno aefa wangowalu ba he göi töinia ba wa'atumbu. Börö da'ö tola teŵa'ö wa fame'e töi na nono Niha meföna ba fakhai si'ai ia ba wetaro ba fa'amolakhömi zi samösa niha.

Sinura andre, tehalö moroi ba Akun Facebook Ama Pasca Telaumbanua nisurania me 17 Mei 2022. Ba hiza no te angonaisi khönia awena ma fa'anö ia ba da'a, ena'ö möi fonönö wangi'ila khö ndra talifusöda sombaso ya'ia. Ma'owai ami Ya'ahowu


Sanura: Ama Pasca Telaumbanua / 17 Mei 2022



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior