Wb/nia/Sura Ni'amoni'ö/Sura Moze si föföna/Faza 23

From Wikimedia Incubator
FAZA 23

I. Fa'amate Zara. II. I'öli lewatö Aberahamo khö Geferono andrö. III. Fogo'o Sara.

I. Otu a dua wulu a fitu fakhe wa'ara Zara ba guli danö; da'ö wa'anau nosonia. Ba mate Zara be Giriata Garaba, ya'ia Heberona andrö, ba danö Gana'ana. Ba möi Gaberahamo fa'ala-alai ba khö Zara, mange'esi ya'ia.

II. Aefa da'ö, ba iröi mboto zi mate andrö, möi ia muhede ba Ndraono Kheti, imane: Niha bö'ö ndra'o khömi, si fatewu; Mitehe khögu lewatö ba khömi, ondröita dania, ena'ö uheta yomo zi mate andrö khögu, ena'ö uko'o. Ba latema li Gaberahamo Iraono Kheti, lamane: Fondrondrongo khöma ine, Tua! Amaaedola zalaŵa ba khö Lowalangi ndra'ugö, we'asosömö ba khöma; ba wondrege zi sökhi lewatö khöma ko'o zi mate andrö khöu! samösa lö ba khöma, sanenaŵa ya'ugö, na ba lewatö khönia öko'o zi mate andrö khöu. Ba maoso Gaberahamo, mangalulu ia ba niha ba danö andrö, Iraono Kheti. Ba humede ia khöra, imane: Na möi dödömi uheta yomo zi mate andrö khögu ba uko'o, be mitolodo, milului manguma'ö khö Geferono andrö, ono Zohara, ena'ö ibe'e khögu dögi narö hili andrö, Makhefela, khönia, ba wondrege mbenuania andrö; lö u'ambösi mbölinia khönia, na ibe'e khögu lewatö ba khömi, ondröita dania. Ba no dumadao göi ba da'ö Geferono andrö, awö Ndraono Kheti. Ba itema li Gaberahamo Eferono, Iraono Kheti, tobali larongo Iraono Kheti, ha wa'ato ira, sanörö bawa göli mbanuania miyomo, imane: Böi, Tua! fondrondrongo khögu! Ube'e bualagu khöu mbenua andrö, fabaya tögi narö hili andrö bakha, ube'e buala khöu; ba zanehe niwama andre ube'e bualagu khöu. Ko'o manö sa'ae zi mate andrö khöu! Ba mangalulu Geberahamo ba niha ba danö andrö. Ba humede ia khö Geferono andrö; larongo banuara, imane: Na si manö dödöu, ba fondrondrongo khögu! Ube'e mböli mbenua andrö, halö ia khögu, ena'ö uko'o ba da'ö zi mate andrö khögu. Ba imane Eferono khö Gaberahamo: Fondrondrongo khögu ine, Tua! Benua si 400 rufia moböli, ba hadia da'ö khöda, darua ita? Ko'o manö sa'ae zi mate andrö khöu! Ba i'o'ö khö Geferono Aberahamo, ba itulo khö Geferono mböli andrö Aberahamo, niŵa'önia ba zi so Ndraono Kheti andrö, 400 rufia fanimba, si laku ba waniaga. Ba tobali khö Gaberahamo mbenua Geferono andrö, ba Makhefela, ba gamaudu Mamere, banua andrö, si so tögi narö hili andrö bakha, awö geu fefu, si so ba mbenua andrö. fasui, te'aro'ö khö Gaberahamo, ba zi so Ndraono Kheti andrö, ha wa'ato ira, sanörö bawa göli mbanuania, miyomo.

III. Aefa da'ö ba iko'o wo'omonia Sara Aberahamo ba dögi narö hili andrö, ba mbenua Makhefela, ba gamaudu Mamere, ya'ia Heberona, ba danö Gana'ana. Ba tobali te'aro'ö khö Gaberahamo mbenua andrö fabaya tögi narö hili andrö bakha, la'aro'ö Iraono Kheti, lewatö khönia, ondröita dania.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior