Wb/nia/Sura Ni'amoni'ö/Sura Moze si föföna/Faza 20

From Wikimedia Incubator
FAZA 20

I. Isaŵa Gerara Aberahamo, Telau mena'ö zi lö sökhi khö Zara, ba itenaŵa Lowalangi. II. Huhuo Gabimelekhi andrö khö Gaberahamo.

I. Ba iheta ia ba da'ö Aberahamo, isaŵa danö si raya, ba gotaluara Gadesi Zuri i'iagö, ba Gerara. Ba ba khö wo'omonia Sara, ba imane: Akhigu! Ba ifatenge Abimelekhi, razo Gerara, ifahalö'ö Zara. Ba möi khö Gabimelekhi Lowalangi, ba wangifi, ba zi bongi, imane khönia: Si mate ndra'ugö, börö ndra alawe andrö, nihalöu, me no donga zodonga. Ba lö sorudu khönia Gabimelekhi; ba imane: He So'aya! zumöi öbunu zi lö horö! Ba noa sa ya'ia zanguma'ö khögu: Akhigu! Ba si manö göi ndra alawe, no imane: Ga'agu! Sadölö dödögu ba si lö sala dangagu ba wolaugu andrö khönia. Ba imane khönia Lowalangi, ba wangifi: Ba ya'odo göi, u'ila sa, wa no sadölö tödö ndra'ugö, wolau si manö, ba no ya'o zanimba khöu wamazökhi horö khögu mena'ö; andrö lö utehe öbabaya ia. Ba fuli sa'ae ba zodonga ndrongania, noa sa sama'ele'ö ia, ba akha mangandrö ia salahiu, ena'ö auri ndra'ugö; ba na lö öfuli, ba ya'aboto ba dödöu, wa si mate ndra'ugö, fabaya fefu däna khöu.

Ba ya'odo göi, u'ila sa, wa no sadölö tödö ndra'ugö, wolau si manö, ba no ya'o zanimba khöu wamazökhi horö khögu mena'ö; andrö lö utehe öbabaya ia.

II. Ba mahemolu ö, ba ihulö wongi Abimelekhi, wehede ba zawuyunia fefu, ba idunö-dunö khöra fefu, he wisa mege; ba ata'u sibai niha andrö. Ba ifakaoni'ö Gaberahamo Abimelekhi, imane khönia: Hadia wolaumö khöma! Hadia horögu khöu, wa öfatörö khögu ba ba mbanuagu fefu horö sebua andrö! Si tebai manö telau mena'ö, ba no ölau khögu. Ba imane na Abimelekhi khö Gaberahamo: Hadia daniu wolau si manö? Ba imane Aberahamo: Me no umane dödögu: Te sa lö falukha wangata'ufi Lowalangi ba mbanua andrö, ba labunu sa'ae ndra'odo, börö wo'omogu andrö. Ba si ndruhu sa göi akhigu ia, ono namagu — ha fa tenga ono ninagu, ba no uhalö ia. Me iŵa'ö khögu Lowalangi, ahetado ba khöma, möido ba danö bö'ö, ba umane khönia: Da'ö ölau, fa'omasiu ndra'odo: gofu heza tarugi dania, ba öŵa'ö ga'au ndra'odo. Ba ihalö mbiri-biri ba saŵi ba sawuyu ono matua ba sawuyu ono alawe Abimelekhi, ba ibe'e khö Gaberahamo; ba ifuli göi khönia wo'omonia Sara. Ba imane Abimelekhi: Hiza fönau danögu; heza zomasi'ö, ba da'ö iagö. Ba imane khö Zara: Hiza, ube'e ba danga ga'au zi hönö rufia, zosi-zosi khöu da'ö ba zi so ba ngaiu, fefu, tobali lö horöu ba niha fefu. Ba mangandrö Gaberahamo khö Lowalangi, salahi Gabimelekhi, ba ifadöhö wökhönia Lowalangi, ba fökhö wo'omonia ba fökhö zawuyunia ira alawe, fa mo'ono'ono ira. Noa sa ifaulugö Yehowa wokusi talu ndra alawe ba nomo Gabimelekhi fefu, börö Zara andrö, fo'omo Gaberahamo.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior