Wb/nia/Sura Ni'amoni'ö/Sura Moze si föföna/Faza 16

FAZA 16

I. Ihalö dongania Hagara andrö Aberamo, niŵa'ö Zara'i khönia. Moloi Hagara. II. Oroma khönia mala'ika, ba danö si mate. Amabu'ula li ba fa'atumbu Zima'eli andrö.

I. Ba lö so'ono Gaberamo, khö wo'omonia Sara'i andrö ; ba so khönia zawuyu, ono alawe, Dawa Miserayi, Hagara döi. Ba imane Sara'i khö Gaberamo: Me lö'ö sa nibe'e Yehowa khögu ono, ba hana na orudu ndra'ugö khö zawuyugu yomo andrö, ma falukhado nono khönia! Ba i'o'ö niŵa'ö Zara'i Aberamo. Ba ihalö zawuyunia yomo andrö, Hagara, Dawa Miserayi, Sara'i, fo'omo Gaberamo, ba ibe'e donga wo'omonia Aberamo, me no mewulu fakhe Gaberamo ba danö Gana'ana. Ba orudu ia khö Hagara andrö, ba manabina. Ba me i'ila, no manabina ia, ba lö ba dödönia sa'ae sokhö ya'ia. Ba imane Sara'i khö Gaberamo: Horöu wa falukhado wango'aya. Ya'odo zolulu khöu sawuyugu yomo andrö, ba iya'e, me i'ila no manabina ia, ba lö'ö sa'ae ba dödönia ya'odo. Yamufaigi lala khöda Yehowa. Ba imane Aberamo khö Zara'i: Ba dangau atö so zawuyumö; si so ba dödöu lau khönia! Ba ifakao ia Sara'i, irege moloi.

He Hagara, sawuyu Zara'i! he ö'otarai ba heza möi'ö?

II. Ba falukha khönia mala'ika Yehowa, ba zinga gumbu ba danö si mate, umbu ba ngai lala ba Zuri. Ba imane: He Hagara, sawuyu Zara'i! he ö'otarai ba heza möi'ö? Imane: Soloi ndra'o khö Zara'i andrö, sokhö ya'odo. Ba imane khönia mala'ika Yehowa andrö: Fuli'ö khö zokhö ya'ugö andrö, ba o'ö niŵa'önia. Ba imane na khönia mala'ika Yehowa andrö: Oya sibai ma'uwumö dania ube'e, irege tebai te'erai wa'oya. Ba imane na khönia mala'ika Yehowa andrö: Si no manabina ndra'ugö ba tumbu dania khöu nono matua, ba öbe'e töinia Zima'eli, me no ifondrondrongo [wangarö-ngaröu ba] wamakaomö andrö Yehowa. Ba ya'ia andrö, ba niha si hulö galide gatua — dozi niha bö'ö fa'udu ia, ba si fa'udu khönia zui niha bö'ö fefu — ba ihöndrögö dania fefu zahatö khönia. Ba ibe'e töi Yehowa andrö, sihede khönia: "Lowalangi soroma ndra'ugö!" Imane sa: Hadia, noa göi anehedo zamaigi-maigi ya'odo andrö? Andrö wa labe'e töi gumbu andrö: "Oembu zauri andrö, samaigi ya'odo"; ba gotaluara Gadesi Mbaredi so. Ba mo'ono Hagara khö Gaberamo, ono matua. Ba Sima'eli ibe'e töi nono andrö Aberamo, töi nono andrö si no tumbu khönia khö Hagara. Ba ŵalu ngafulu a önö fakhe Gaberamo, me tumbu khönia Zima'eli andrö, khö Hagara.

Fabaliŵa lala

Olayama Moze I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö