Wb/nia/Sura Ni'amoni'ö/Sura Moze si föföna/Faza 15

From Wikimedia Incubator
FAZA 15.

I. Mangandrö ono Gaberamo. Amabu'ula li Lowalangi. II. Fangaro amabu'ula li andrö ba fangombakha si göna ma'uwu Gaberamo dania.

I. Ba me no aefa da'ö no mege, ba humede Yehowa khö Gaberamo, ba gangilata, imane: Böi ata'u ndra'ugö, Aberamo; baluseu ndra'o, luou, ba börö zebua. Ba imane Aberamo: He So'aya Yehowa, hadia nibe'eu khögu? mowaö-waö manö ndra'o ba lö onogu, ba sanema ondröitagu dania, ba Eliezeri andrö, banua Ndramaseko. Ba imane na Aberamo: Lö'ö sa nibe'eu khögu nga'ötö, ba tobali sanema ondröitagu, ba sawuyu baomogu. Ba humede khönia Yehowa, imane: Tenga sanema ondröitamö da'ö, si otarai nösiu dania, da'ö zanema ondröitamö. Ba i'ohe ia baero baewali ba imane: Faigi mbanua si yaŵa ba erai ndröfi; hadia, ö'ila maö ö'erai? Ba imane na khönia: Si manö [wa'oya] ma'uwumö dania. Ba faduhu dödönia khö Yehowa, ba ibe'e fa'atuiö dödönia da'ö Yehowa.

Ba faduhu dödönia khö Yehowa, ba ibe'e fa'atuiö dödönia da'ö Yehowa.

II. Ba imane khönia: Yehowa ndra'odo si no mangeheta ya'ugö ba Guri, ba Galedaia, ba wame'e tana khöu tanö da'e. Ba imane: He So'aya, Yehowa! heza oroma khögu, wa okhötagu dania? Ba imane khönia Yehowa: Halö khögu zaŵi si no medölu fakhe ba nambi si medölu fakhe ba si matua mbiri-biri si medölu fakhe ba sambua wune ba sambua nono marafadi. Ba ihalö khönia da'ö fefu ba idozigö ibago dalu ba ifatahö zi tamba-tambai; ba fofo andrö, ba lö isila. Ba aekhu moyo ba nagole andrö; ba itaboi ira Aberamo. Ba me aekhu-aekhu luo, ba ihawui Gaberamo femörö sabölö ba fa'ata'u; ihawui ia fa'ogömi-gömi sabe'e. Ba imane [Yehowa]) khö Gaberamo: Böi zi lö örongo, wa si fatewu ba danö si tenga tanöra ma'uwumö dania ba sawuyu ira ba da'ö ba lafakao sibai ira niha andrö, öfa ngaotu fakhe wa'ara. Ba soi andrö göi, si möl ira sawuyu, ba uhuku, ba awena dania aefa ira, ebua la'ohe ana'a. Ba yaugö, ba sohahau tödö, irege orudu'ö khö ndra tuau; ba wa'atua omasiö teko'o ndra'ugö. Ba öfa nga'ötöra, ba mangawuli ira ba da'e; lö'ö na sa afönu zu'a-su'a horö Ndraono Gamori. Ba me no aekhu luo, me no ogömi-gömi sibai, ba so zimbo, hulö zimbo zino wa'u ba sulu, sanörö nisila no mege. Me luo da'ö fawu'u li Yehowa khö Gaberamo, imane: Ba ma'uwumö ube'e danö andre, i'otarai nidanö Miserayi andrö, irugi nidanö sebua andrö, Oiferati, tanö Ndraono Geni ba tanö Ndraono Genisi ba tanö Ndraono Gadamoni, ba tanö Ndraono Kheti ba tanö Ndraono Weresi ba tanö Ndraono Refati ba tanö Ndraono Gamori ba tanö Ndrawa Gana'ana ba tanö Ndraono Girigasi ba tanö Ndraono Yebusi.



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior