Wb/nia/Sura Ni'amoni'ö/Sura Moze si föföna/Faza 14

From Wikimedia Incubator
FAZA 14.

I. Tesuŵo Zodoma ba tera'u Loti. II. I'orifi Loti Aberamo. III. Ifahowu'ö Gaberamo Melekhisede andrö.

I. Ba me luo Garambeli, razo Zineara, ba maoso Gariokhi, razo Gelasara ba Kedoro La'omoro, razo Gelama ba Tidala, razo niha baero, lasuwö Mbera, razo Zodoma ba Birisa, razo Gomora ba Sinaba, razo Gadama, ba Semeberi, razo Zebo'i ba razo Mbela, ya'ia Zo'ara andrö. Da'ö fefu zorudu we'amöi ba ndraso Sidi andrö, ya'ia zilua asi sasi'asi ma'ökhö. No mewelendrua fakhe ira barö mbawa Kedoro La'omoro andrö ba me aefa da'ö, ba laheta ira banuania. Ba me no alua meweledölu fakhe, ba so Kedoro La'omoro, ba razo andrö, si möi awönia, ba la'alani mado Refa'i andrö ba Gasaroto Karanai, awö mado Zusi ba Hama, awö mado Gemi, ba ndraso ba Giriata'i, ba mado Hori ba hili Ze'ira andrö khöra, irugi Geli Farana, tanö ba gatumbukha luo, i'otarai danö si mate andrö. Ba lafuli ira furi ba larugi Geni Misefa, ya'ia Kadesi, ba lasuwö danö Ndraono Gamaleki ma'asagörö, awö Ndraono Gamori ba Hazaso Tamara. Ba maoso razo Zodoma ba razo Gomora ba razo Gadama ba razo Zebo'i ba razo Mbela, ya'ia Zoara andrö, lafa'anö ira ba wolau khöra ba zalo'o ba Zidi, ba wolau khö Kedoro La'omoro andrö, razo Gelama, ba khö Didala,razo niha baero, ba khö Garambeli, razo Zineara, ba khö Gariokhi, razo Gelasara — daöfa razo udu zi dalima. Ba ba ndraso Sidi andrö, ba no fahöna manö dögi zulumou. Ba me no tetimba furi razo Zodoma ba razo Gomora, ba ahöndrö ira ba da'ö, ba si tosai, ba moloi, lasaŵa hili. Ba ahori lahalö nibaya-baya ba Zodoma ba ba Gomora ba balazora fefu, ba mofanö. Ba la'oloi'ö göi Loti andrö, ono dalifusö Gaberamo, si no fatewu ba Zodoma, awö nibaya-bayania, ba mofanö.

Ya'ifahowu'ö Gaberamo Lowalangi Fondrege Zalaŵa, samazökhi banua si yaŵa awö danö! Ba nisuno Lowalangi Fondrege Zalaŵa si no mame'e ba dangau emaliu.

II. Ba so zoloi, ba i'ombakha'ö khö Gaberamo andrö, mado Heberaio; ba gatua Ndraono Gamori Mamere, talifusö ndra Esikoli Aneri, so da'ö, ba si fa'awö khö Gaberamo da'ö no mege. Ba me irongo Gaberamo, no lara'u dana nononia andrö ba no la'oloi'ö, ba ifa'anö niha andrö khönia, si no faduhu dödönia, situmbu baomonia [sawuyu], 318, ba igohi zanuwö andrö, irege Dano. Ba ibarigö niha andrö khönia ba lahawui zanuwö, ba zi bongi, ba te'ala labe'e ba lagohi, irege Hoba, yöu Ndramaseko. Ba i'ohe mangawuli [Aberamo] fefu nibaya-baya, ba he Loti göi, tana nononia, awö nibaya-bayania, i'ohe mangawuli, awö ndra alawe, awö niha sato ni'oloi'ö.

III. Ba no te'ala Kedoro La'omoro andrö, awö razo andrö si fao khönia, ibe'e Aberamo, ba ifuli ia, ba ifaondragö ia razo Zodoma ba ndraso Zawe, ya'ia ndraso razo andrö. Ba i'ohe baero roti ba agu Melekhisede, razo Zalema, ere Lowalangi Fondrege Zalaŵa da'ö. Ba ifahowu'ö Gaberamo, imane: Yawahowu'ö Gaberamo Lowalangi Fondrege Zalaŵa, samazökhi banua si yaŵa, awö danö! Ba nisuno Lowalangi Fondrege Zalaŵa, si no mame'e ba dangau emaliu. Ba ibe'e khönia Aberamo zambua ni'ofulu fefu hadia ia. Ba imane razo Zodoma khö Gaberamo: Niha andrö be'e khögu, ba nibaya-baya andrö, ba halö khöu. Ba imane Aberamo khö razo Zodoma: Ufazaŵa dangagu khö Yehowa, Lowalangi Fondrege Zalaŵa, samazökhi banua si yaŵa, awö danö: Sara bana fanagu ba sara böbö mbadagahe ba hadia ia fefu zi so khögu, ba lö uhalö, fa böi öŵa'ö, no öfo'ana'a Gaberamo. Alakha lö khögu! Ha ni'a nono matua andrö ba tana ba niha andrö, si no möi awögu, Aneri ba Esikoli ba Mamere — akha mo'urakha ira!



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior