Wb/nia/Ono Sotöi Suta
Ono Sotöi Suta, ya'ia da'ö Manö-manö ni dunö-dunö ba ndraono ba Danö Niha.
Meföna so nono matua sotöi Suta. Töi namania ya’ia da’ö Mao. Samuza ma’ökhö mangera-ngera ia, imane tödönia “hana wa Amagu Mao?” Ya’e ndra’odo andre sa no ono matua sihino döla ba sowaöri boto. Lö itehe fa’aurigu na da’ö namagu Mao lö hadöi abölö. Andrö mangera-ngera ia me bazibongi no ilau modadao föna nono wamaigi haga mbawa ba ginötö duli, i’ila mbaŵa sebua si so ba dalu mbanua, wa’asökhi hagania, fondrege wa’amolakhömi. Mangera-ngera Suta imane; da wö’i möido khö mbaŵa u’andrö enaö tobali ia amagu.
Miö Suta khö mbaŵa imane "He Baŵa u'ila wa ya'ugö zabölö ba solakhömi ba guludanö da'a, omasido na ya'ugö namagu". Itame linia baŵa imane "Lö salania tola manö wösa nogu, ba hiza'i so nasa zabölö moroi khögu ya'ia da'ö Lawuo. Na iba'agö ia fönagu ba tobaludo lö oromado, andrö wa abölö lawuo moroi khögu.
No ifakuru gangangonia Suta, iane "Lau nasimanö baŵa saohagölö, da möido khö Lawuo". Mafanö Suta iröi mbaŵa igamö-gamö khö lawuo. Ba meno irugi Suta khö lawuo ba ifaehagö zi so ba dödönia imane "He Lawuo orongo wa ha ya'ugö zabölö ba gulidanö da'a, Hiza na ö'agö föna mbaŵa ba tebalu ia öbe'e, da'ö dandra wa abölö ndra'ugö moroi khö Mbaŵa. U'andrö ena'ö tobali'ö amagu".
Itema linia Lawuo, lö salania wösa nogu, ba hiza'i, tenga ya'o zabölö tou ba gulidanö da'a, so zabölö moroi khögu ya'ia da'ö Angi. Na itörini ndra'ö angi tezaumba mozawilido ba adududo. Ifahasu ia Suta, iwaö ba dödönia, na simanö lö alua ubaliö amagu ndra'ugö Lawuo, möido ufalukhaisi Nangi sabölö moroi ba Lawuo. Irugi khö Nangi Suta, imane "He Angi no urongo khö lawuo wa abölö ndra'ugö moroi khönia, na simanö ha ya'ugö zabölö ba gulidanö da'a?" Itohugö Suta imane: "Na lö fatimba ba dödöu omasido tobali ndra'ugö amagu".
Itema linia Angi, lö salania wösa nogu, ba hiza'i, tenga ya'o zabölö tou ba gulidanö da'a, so zabölö moroi khögu ya'ia da'ö eu sebua. Na so'ia fönagu lö u'ila utörö tetahado na udölö, andrö ero so geu sebua fönagu ba uhole'ö ndra'o wanörö ba gabera ma zui ba gambölönia tebai ulaŵa. Ifahasu ia Suta, iwaö ba dödönia, na simanö lö alua ubaliö amagu ndra'ugö Angi, abölö sökhi na'i u'ondrasi Geu sebua me abölö ia moroi ba Nangi. Iröi Nangi Suta ba igamö-gamö khö Geu sebua. Me irugi khö Geu sebua imane: "He eu sebua urongo khö nangi wa yaugö jabölö ba guli danö da'a, omasido tobali'ö amagu.
Itema linia Eu sebua, lö salania wösa nogu, ba hiza'i, tenga ya'o zabölö tou ba gulidanö da'a, so zabölö moroi khögu ya'ia da'ö Mosu-mosu. Na ifalido ba teböbö ndra'o lö lala dödögu tebai ufahasudö aleu mbulugu ba matedo. Mosu-mosu aro sibai na mubali'ö böbö, andrö wa ya'ia zabölö moroi khögu. Imane Suta nasimanö da möido khö musu-mosu.
Irugi kho mosu-mosu Suta, imane: "He Mosu-mosu urongo kho Geu sebua wa ha ya'ug zabölö ba gulidanö da'a, iwaö abölö ndra'ugö moroi khönia. Na lö fatimba khöu tehegö omasido tobali'ö amagu." Itema linia Mosu-mosu imane "tola manö wösa onogu na omasi ndra'ugö tobali onogu, ba hiza'i böi maniasa ndra'ugö dania, me so nasa zabölö moroi khögu, ya'ia da'ö Te'u." Itohugö Mosu-mosu wa motokhi khö Suta imane: "Na i'ökhi mbörögu Te'u ba tola aetu, ba aleu mbulugu ba matedo". No itöngö dalumbnua Suta, iamane tötdönia nasimanö abölö nasa de'u moroi khö Mosu-mosu. Lumalö Suta ifalukhaisi De'u, me irugi khö De'u imane "He Te'u bali'ö do oanu me haya'ugö zabolo ba guli dano daa, no moido kho mbawa, kho lawuo, kho nangi, kho geusabua, ba siafuria kho musumsu, urongo khö Mosu-mosu wa ha ya'ugö zabölö ba gulidanö da'a, no möido khö mbawa, khö lawuo, lö nangi, khö geu sebua, ba khö Modul-Modul, ba ha ya'ugö zabölö ba gulidanö da'a, andrö omasido na ya'ugö tobali'ö amagu" Itema linia Te'u imane "lö salania wösa na tobalido amau, ba hiza'i böi maniasa ndra'ugö dania, börö me so zabölö moroi khögu". Isofu Suta "haniha nasa zabölö moroi khömö ba Te'u?" Item linia Te'u imane "so zabölö moroi khögu nogu ya'ia da'ö Mao. Abölö ia fagohi moroi khögu, na i'ilado ba igohido ba ira'udo matedo ba i'ado. Wa'atokea Suta me irongo khö De'u wa abölö Mao nasa moroi khönia. Na simanö lö omasido ndra'ugö te'u na tobali'ö amagu, abölö sökhi na ufulido khö namagu Mao. Awena maniasa Suta imane tödönia, awena u'ila wa ha amagu zabölö ba gulidanö da'a. I'alio'ö wangawuli ba nomora, ba wangandrö faebolo dödö namania Mao.
Tuho sinangea muhalö duma-duma ba manö-manö da’e:
He wa'ae sökhi sibai zikhalada, he wa'ae sökhi sibai mbotoda, ba böi ta'olifugö ita zatuada amada/inada he wa'ae no ambore-mbore mbotora börö waanumalö ndröfira, ba lö saatö tebulö wa ya'ira zatuada.
Nitöngöni
[edit | edit source]Omuso dödögu na öfazaewe nidunö-dunö andre ba media sosial ma Internet. Hiza i be'e fao gumbu heza tehalö ia. Be ba gahe zura: Moroi ba Wikibuku Nias. Nifa'anö ???. Aila ita ba niha na lö öbe'e gumbunia, me öhalö töiu zi tenga töiu.
Fabaliŵa lala
[edit | edit source]Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö