Wb/nia/Ondrekheta
Dekheta no sambua wehede ba li Niha ba wamo'eluaha wehede patokan ba li Indonesia. Moroi ba wehede andre ba tola ta'omböi sambua wehede bö'ö sifakhai ya'ia: ondrekheta ba wo'ali ngawua wehede: standar ba bahasa Indonesia
Fehede ondrekheta andre ba awena sibai la'oguna'ö ia ba zinura andre. Na mu'alui ia ba golayama wangalui ba gu'ö ba te lö tesöndra.
Me mufaigi ba Kamus Li Niha nifa'anö ba nia.wiktionary.org ba no so wehede andre ba tehaogö ia molo'ö lahenia me luo Zumaha, 7 November 2025.
Moroi ba dekhe
[edit | edit source]No oya sibai zinura he ba Wikibuku ba he göi ba Wikipedia, tesura standar. Eluahania noni'anemai'ö te'ali moroi ba Li Indonesia ba li Niha.
Me mufaigi so wa'afakhai wehede standar andre ba ndrekheta ma patokan ba li Indonesia. Na tafaigi geluaha dekheta, ya'ia da'ö: su'a-su'a sitobali lohe-lohe. Dekheta andre nomuhalö ia moroi ba wehede dekhe so eluaha: tandra-tandra wamotöi ndrohua simane: fa'alaŵa, fa'anau, fa'esolo, fa'ebua, fa'abakha, fa'abua, fa'oya, ba tanöbö'önia.
Börö da'ö tesöndra wehede ondrekheta sitola ta'oguna'ö ba wo'ali standar.
Fangoguna'ö
[edit | edit source]Dekheta andre ba teföfö'ö ia ba wehede nomina. No fagöna sibai ba wamo'eluaha 'standar'.
Na mu'oguna'ö ia ba ngaroro wehede ba tola lasura ia simane da'a tou:
- * Ba wanura skripsi ba moguna lafaudugö ba ondrekheta si so.
- * Ondrekheta wanura ba Wikipedia Nias tola mufaigi ba golayama gu'ö andre.
- * Alaŵa si'ai gondrekheta ba wa'atobali saradadu.
Na asese mu'oguna'ö wehede andre ba no sambua lala tola i'irö'ö akal imitasi (AI) irege i'ila itema li na so zanofu khönia.