Wb/nia/Amaedola/Amuata Niha

1. Faya wa abaga faya wa asökhi, Amuata nifaigi,
   bua-bua nitöngöni
2. Ha namo mbulu mbalikhi,
   ha namo mbulu go'o,
   si lö lokha atö so
   ha faböi aila ba zato.
3. No adölö-dölö lö bu'u,
   no ohau-hau lö sinegu,
   no sa manögi gera ba dalu,
   ba no manögi go ba dalosu.
4. Bulu geu rörö matiana,
   bulu gendruo rörö kudo,
   fanari mbulu mosu-mosu,
   maliŵa-liŵa na so deu,
   famanari fombali huhuo,
   so idoro ba so nikondro.
5. Nifowu'u-wu'u landröta,
   nifozae-zae mboto goma,
   ba dödö obu'u bakha,
   ba mbawa lö alua yaŵa.
6. Ba no mozae-zae duho goma,
   ha ba dete alösö yaŵa,
   ba dödö obu'u bakha.
7. Haru lelagu famakoe dölö-tölögu,
   agadölö na so gögu,
   agaköi ba halöŵögu.
8. Nifemanga döwu itö (töwu maru)
   ami zandroto.
9. Ananido-anani sambua hie u'a mbawi.
   Olofodo-olofo sambua bowoa u'a gowi.
10. Ena'ö lö afökhö,
    ena'ö lö akao,
    ae yomo uro,
    yae nahau bolaboko.
11. Mobowo lagae hili mowua lagae ndaso...Gogowaya zabuso,
    la'oro zolu'i gumo.
12. No mo nago hili,
    atabö mbu angao nösi.
13. Sökhi dotowi,
    fawio hörögu bösi.
14. Nikha'ai mbulu gi'iŵa,
    la'ohe ba ni'eŵa wato.
15. Ono alawe Dugala
    ha mururu ba lulu
    ba no aheta gu'i ba nose.
16. Hulö latunu go'o ba Dumöri,
    felezara zamaböli
    ba felendrua zanöri-nöri.
17. Riti-riti balu-balu hötu.
18. Sibölökau'u ba halama,
    ebua dödögu na fasala.
    Sibölökau'u ba mbanua,
    ebua dödögu na alua.
19. Andrö ayau lagasi,
    andrö ayau guro,
    me so ba nuwu durumö,
    wokasi famahono.
20. Sofanö ba zilaluo,
    i'o'ö ia lumö-lumönia.
21. Hulö molahe gotu ba nasi,
    so lahe ba mbanua ba molahe tou ba danö.
22. Nifofanö mbawi lalu,
    nitörö da'io ba itörö ahe.
23. Tebulö nangi ba hili,
    tewu'a nangi ba nasi,
    ba lö tebulö mbalö li.
24. He no atua na mamöri-möri hua,
    ba he no awuyu-wuyu na aböu du'u-du'u.
25. Hiza me hino-hino dölagu:
    ubözi dalu zökha ba ndru'u,
    ulafoyoi mba'e ba hogu geu,
    ukhamö ba wolangi gelefu,
    ukhamö ba hohou gewu-kewu.
    Hiza me no atua aöndrö hulu:
    u'usu dalu lada lö aetu,
    ba ufelai nasio lö mangulu.
26. Nifolöwösi nagole obou hunö,
    nifolöwösi töla isika lae-laenia.

Nitöngöni

• Amaedola amilita andre mufa'oli molo'ö amuata niha (li Indonesia, kepribadian) nifa'oli Onesius Otenieli Daeli bakha ba Pemaknaan Amaedola Nias, sambua zinura si lö nasa muraka.
• No mu'oguna'ö dandra wamabali (li Indonesia, tanda pemisah) ba wanandrai fehede nifomendrua.
• Tola manö wa so nasa zi fasala muraka, tolo ösa ba wangatulö'ö ya'ia.
• Na so wehede si lö ö'ila eluaha (fehede föna) böi dölö bulö'ö. Odödögö ua wanofu ba niha sindruhu mangila li Niha simane niha sonekhe ba gamaedola ma hoho.

Fabaliŵa lala

Olayama Gamaedola: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö