Wb/nia/Moze II/9

From Wikimedia Incubator
< Wb‎ | nia‎ | Moze II
Wb > nia > Moze II > 9
FAZA 9

Famakao fanete zi föföna: Talaho, ba[edit | edit source]

I . 1 Ba iŵaʼö Yehowa khö Moze: Ae khö Waraʼo, ba ömane khönia: Daʼö niŵaʼö Yehowa: Fofanö mbanuagu andrö, enaʼö lafosumange ndraʼo!

2 Ba na tekhöu, öfofanö ira, ba ufatörö khöu ba ba danöu wamakao talaho.

3 Yamoliha-liha dania dalaho, ba Nilo, ba akha möi ira yaŵa, irugi gödomö ba irugi si bakha khöu, ba ba gasomö, ba he ba nomo ngoni-ngoniu, ba he ba nomo mbanuau, ba he ba naha wamogö roti khöu ba he ba naha wamaruka, numalö ösiu

4 ba ösi mbanuau ba ösi ngoni-ngoniu, ba latugelai dania talaho andrö.

5 Ba imane Yehowa khö Moze: ŵaʼö khö Gaʼaroni: Oroʼö dangau, fabaya siʼo andrö yaŵa mbombo ba yaŵa lala nidanö nikoʼo ba yaŵa mbaŵa nidanö, asogö dalaho ba danö Miserayi.

6 Ba iʼoroʼö dangania Aʼaroni, yaŵa nidanö Miserayi, iʼasogö dalaho, tobali lahawui danö Miserayi. [1].

7 Ba lalau göi daʼö si fakelemu andrö, elemura andrö, laʼasogö dalaho ba danö Miserayi maʼasagörö.

8 Ba ifakaoniʼö ndra Moze Aʼaroni Faraʼo, ba imane: Miʼandrö khö Yehowa, enaʼö iheta dalaho andrö, khögu ba ba mbanuagu, ba ufofanö mbanuami andrö, enaʼö labeʼe zumange khö Yehowa.

9 Ba imane Moze khö Waraʼo: Ebuaʼö dödöu khögu, wangumaʼö khögu, ha waʼara uʼandrö khömi, khöu ba ba ngoni-ngoniu ba ba mbanuau, enaʼö aheta khöu ba ba gödomö dalaho andrö, enaʼö hatṍ ba Nilo tosai.

10 Ba imane: Mahemolu. Ba imane Moze: Balazi zomasiʼö, enaʼö aboto ba dödöu, lö Lowalangi böʼö, si mane Yehowa andrö, Lowalangima.

11 Aheta dania khömi dalaho andrö, he khöu, ba he ba gödomö, ba he ba ngoni-ngoniu, ba he ba mbanuau; hatṍ ba Nilo tosai dania.

12 Ba me no laröi Waraʼo ira Moze Aʼaroni, iforege wangandrö khö Yehowa Moze, ba dalaho andrö, nifatörönia khö Waraʼo.

13 Ba iʼoʼö Yehowa niʼandrö Moze: mate dalaho andrö ba nomo misa ba ba golayama ba ba mbenua. 14 Ba laʼowuloi, laʼoyaʼö nahia, ba aböu danö.

15 Ba me iʼila Faraʼo, no molala dödönia, ba ifuli abeʼe dödönia, ba lö iʼoʼö khöra; itörö niŵaʼö Yehowa. [2].

fanete zi dua balö: Di manu, ba[edit | edit source]

II . 16 Ba imane Yehowa khö Moze: ŵaʼö khö Gaʼaroni: Oroʼö ziʼomö andrö ba bözi gawugawu tou ba danö, ba tobali di manu, fefu gofu heza ba danö Miserayi.

17 Ba laʼoʼö daʼö: Iʼoroʼö dangania Aʼaroni, fabaya siʼo, ibözi gawugawu tou ba danö: Ba so ndri manu ba niha ba ba guriföra; fefu gawugawu ba danö, ba tobali di manu ba danö Miserayi, maʼasagörö.

18 Ba latandraigö göi si fakelemu andrö wangasogö di manu elemura andrö, ba tebai. Ba di manu andrö, ba lahawui niha, fabaya uriföra.

19 Ba lamane khö Waraʼo si fakelemu andro: Tanga Lowalangi daʼö! Ba lö tebulö waʼabeʼe dödö Waraʼo, ba lö iʼoʼö khöra; itörö niŵaʼö Yehowa.

fanete zi dua balö: Di manu, ba[edit | edit source]

III . 20 Ba imane Yehowa khö Moze: Mahemolu mbanua, ba ondrasi Waraʼo, na möi ia mondri ba ömane khönia: Daʼö niŵaʼö Yehowa: Fofanö mbanuagu andrö, enaʼö lafosumange ndraʼo.

21 Na löʼö sa öfofanö mbanuagu andrö, ba ufatörö khömi ndri mböhö, khöu ba ba ngoni-ngoniu ba ba mbanuau ba ba gödomö; yaʼafönu dania nomo Ndrawa Miserayi di mböhö ba he tanö nihundragö gahera.

22 Ba tanö Gozena andrö, si so banuagu andrö, ba uʼoniagö, fa böi oroma ndri mböhö ba daʼö, enaʼö aboto ba dödöu, wa yaʼodo Zoʼaya ba danö.

23 Ba uʼasogö wangefa famabali mbanuagu ba mbanuamö; mahemolu alua dandra andrö.

24 Ba ifatörö daʼö Yehowa. Ba oya sibai ndri mhöhö, si möi yomo ba gödo Waraʼo ba ba nomo ngoni-ngoninia ba danö Miserayi maʼasagörö, ba afökhö sibai ba danö ndri mböhö andrö.

25 Ba ifakaoniʼö ndra Moze Aʼaroni Faraʼo, imane khöra: Lau! ba danö andre mifosumange Lowalangimi!

26 Ba imane Moze: Tebai maʼoʼö daʼö; sumange andrö sa, nibeʼema khö Lowalangima, ba no sogoro Ndrawa Miserayi; hadia, lö latebu kara ndraʼaga dania? [3].

27 Tölu ngaluo fofanö waʼaröu möiga ba danö si mate, ba wameʼe sumange khö Lowalangima ba daʼö; maʼoʼö niŵaʼönia khöma. [4].

28 Ba imane Faraʼo: ufofanö ami, fa miʼila mifosumange Yehowa, Lowalangimi andrö, ba danö si mate; ba böi miʼaröuʼö sibai ami! Miʼangandrö, salahigu!

29 Ba imane Moze: He razo! ha siʼaikö möido baero, ba uʼandrö khöu khö Yehowa, enaʼö mahemolu aheta ndri mböhö andrö khöu ba ba ngoni-ngoniu ba he ba mbanuau, hatö fa böi öfuli öʼoʼaya mbanuama, fa lö öfofanö ira ba wamosumange Yehowa.

30 Ba iröi Waraʼo Moze, ba mangandrö ia khö Yehowa.

31 Ba iʼoʼö Yehowa niʼandrö Moze, iheta ndri mböhö andrö khö Waraʼo ba ba ngoni-ngoninia ba ba mbanuania, tobali sambua lö tosai.

32 Ba ifuli abeʼe dödö Waraʼo, ba daʼö göi, ba lö ifofanö ira.


Famotokhi ba gahe[edit source]

  1. Sin. 78, 45; 105, 30
  2. Faigi 7, 13
  3. Moz. I. 46, 34
  4. Faigi 3, 18

Fabaliŵa lala[edit source]

Olayama Moze II: 12345678910111213141516171819202122232425262728293031323334353637383940

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö