Wb/nia/Moze II/7
Ifatenge khö Waraʼo ndra Moze Aʼaroni Lowalangi, ba ibeʼe nifowöhö ia Faraʼo, ba zi fakelemu andrö[edit | edit source]
I . 1 Ba imane Yehowa khö Moze: ubaliʼö Lowalangi ndraʼugö khö Waraʼo; ba gaʼau Aʼaroni, ba si fahuhuo, salahiu. [1].
2 Fefu hadia ia niŵaʼögu khöu, ba öfaʼema, ba gaʼau Aʼaroni zangombakha khö Waraʼo, enaʼö iʼefaʼö Ndraono Gizeraëli ba danönia.
3 Ba yaʼo, ba uʼoköliʼö dödö Waraʼo andrö ba uʼoyaʼö wolau tandra ba sahölihöli dödö, ba danö Miserayi. [2].
4 Ba löʼö sa ifondrondrongo khömi Faraʼo; awena dania ubaya Ndrawa Miserayi, ba uheta ba danö Miserayi ngahönö andrö khögu, banuagu andrö, Iraono Gizeraëli, fao wangoromaʼö faʼabölö, si lö ambö.
5 Ba yaʼaboto dania ba dödö Ndrawa Miserayi, wa no Yehowa ndraʼodo, na tosinga khöra waʼabölögu ubeʼe, ba na uheta ba ngaira Ndraono Gizeraëli. [3].
6 Ba laʼoʼö niŵaʼö Yehowa khöra ira Moze Aʼaroni; daʼö lalau.
7 Ba no 80 fakhe Moze ba 83 Gaʼaroni, me fahuhuo ira khö Waraʼo.
8 Ba imane Yehowa khö ndra Moze Aʼaroni:
9 Na iŵaʼö khömi Faraʼo: Mifazökhi dandra! ba ömane khö Gaʼaroni: Labu, tiboʼö tou ziʼou föna Waraʼo, ba tobali ulö sebua dania.
10 Ba möi khö Waraʼo ndra Moze Aʼaroni, ba lalau niŵaʼö Yehowa: Itiboʼö tou ziʼonia Aʼaroni, föna Waraʼo ba föna ngoningoninia, ba tobali ulö sebua. [4].
11 Ba ifakaoniʼö zatuatua ba si no toʼölö ba gelemu Faraʼo; ba lalau göi zi manö si fakelemu andrö, elemura andrö: [5].
12 Itiboʼö tou ziʼonia zamösana, ba tobali ulö sebua; ba itölö sa ziʼora siʼo Gaʼaroni.
13 Ba lö tebulö waʼabeʼe dödö Waraʼo, ba lö iʼoʼö khöra, itörö niŵaʼö Yehowa.
Böröta wamakao andrö: Tobali do nidanö[edit | edit source]
II . 14 Ba imane Yehowa khö Moze: No abeʼe dödö Waraʼo ba tekhönia ifofanö ira.
15 Mahemolu mbanua ae khö Waraʼo ba ondrasi ia, na möi ia mondri ba mbewe Nilo, ohe tangau ziʼo andrö, si no tobali ulö, ba ömane khönia:
16 Yehowa andrö, Lowalangi niha Heberaio zamatenge yaʼo khöu, ba wangumaʼö khöu: Fofanö mbanuagu andrö, enaʼö lafosumange ndraʼo ba danö si mate. Ba lö nifondrondrongou irugi daʼe.
17 Ba imane saʼae Yehowa: Ba daʼö aboto ba dödöu dania, wa Yehowa ndraʼodo: ubözi dania nidanö ba Nilo siʼo andre, si so ba dangagu, ba tobali do. [6].
18 Ba yamate giʼa ba Nilo ba yaʼaböu Nilo, fa ogoro Ndrawa Miserayi wamadu idanö Nilo andrö.
19 Ba imane Yehowa khö Moze: ŵaʼö khö Gaʼaroni: halö ziʼou andrö ba oroʼö dangau yaŵa nidanö Miserayi, yaŵa mbombo ba yaŵa lala nidanö nikoʼo ba yaŵa mbaŵa nidanö ba yaŵa nahia nidanö fefu: yatobali do; ya do manö ba danö Miserayi maʼasagörö, he ba nahia eu ba he ba nahia kara.
20 Ba laʼoʼö ira Moze Aʼaroni niŵaʼö Yehowa khöra. Ifazaŵa ziʼonia, ibözi nidanö ba Nilo, ba zanehe Waraʼo, awö ngoningoninia: ba tobali do nidanö fefu, ba Nilo. [7].
21 Ba iʼa ba Nilo, ba mate ba aböu Nilo, tobali tebai saʼae labadu nidanö ba Nilo Dawa Miserayi. Ba do manö fefu gofu heza ba danö Miserayi.
22 Ba lalau göi zi manö si fakelemu andrö, Dawa Miserayi, elemura andrö. Ba lö tebulö waʼabeʼe dödö Waraʼo, ba lö iʼoʼö khöra, itörö niŵaʼö Yehowa.
23 Ba iʼerogö ira Faraʼo, möi ia miyomo; lö ibe e ba dödönia.
24 Ba lakhao danö Dawa Miserayi fefu, ba mbewe Nilo, wangalui idanö nibadu, me tebai labadu nidanö Nilo andrö.
25 Ba famakao andrö, nifatörö Yehowa, ba Nilo andrö, ba aloʼo fitu bongi waʼara.
Famotokhi ba gahe[edit source]
Fabaliŵa lala[edit source]
Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö