Wb/nia/Mataio/6/Fanohugö huhuo ba hili andrö/He wisa wangandrö

Add links
From Wikimedia Incubator
< Wb‎ | nia‎ | Mataio‎ | 6


FAZA 6

5 II. Ba na mangandrö ami, ba böi simane samini tödö ami. Noa sa omasi ira ba zekola so'ira, ba ma ba newali, ba waerua lala misa, na mangandrö ira, afura oroma ira ba niha. Sindruhu niŵa'ögu khömi, no latema luora.

6 Ba yaʼugö, na mangandröʼö, ba ae si bakha ba mbateʼe khöu ba kusi mbawandruhö khömö, ba angandrö khö Namau andrö, ba zi tobini, ba isulöni khöu Amau andrö, sangila si tobini. [1]

7 Ba na mangandrö ami, ba böi miʼoyaʼö li, si mane niha baero; lawai sa tefondro-ndrongo khöra, ba waʼoya lira. [2]

8 Andrö böi mifaomagö ami khöra, noa sa iʼila Amami andrö, hadia zoguna khömi, he löʼö na niʼandrömi khönia. [3]

9 Andrö mimane wangandrö: [4]He Ama khöma si so ba zorugo! Yateʼamoniʼö döiu. [5]

10 Yatobali banuau fefu niha. Yaʼitörö zomasi ndraʼugö, hulö ba zorugo, yasimanö göi ba gulidanö. [6]

11 Oma sirugi maʼökhö beʼe khöma maʼökhö andre. [7]

12 Ba efaʼö khöma horöma, si mane fangefaʼöma sala ba zi so sala khöma. [8]

13 Ba böi ohe ndraʼaga ba wanandraigö, ba efaʼöga ba Gafökha. Me khöu mbanua, awö waʼabölö, awö lakhömi, irugi zi lö aetu. Yaduhu. [9]

14 Na miʼefaʼö saʼae zala niha ba iʼefaʼö göi khömi Amami andrö, si so ba zorugo. [10]

15 Ba na lö miʼefaʼö zala niha, ba löʼö göi iʼefaʼö khömi horömi Amami andrö.


(Mataio 6:5-15)


Famotokhi ba gahe[edit | edit source]

  1. ↑ (Sal. II. 4, 33)
  2. ↑ (Sal. I. 18, 26. Yes. 1, 15)
  3. ↑ (Sin. 38. 10)
  4. ↑ Da'a wangandrö Zo'aya ma ba li Indonesia lamane; Doa Bapa Kami
  5. ↑ (Luk. 11, 2—4. Sin. 115, 1)
  6. ↑ (Luk. 17, 20 b. t. 22, 42. Sin. 103, 21)
  7. ↑ (Amaed. 30, 8)
  8. ↑ (F. 18, 21 b. t.)
  9. ↑ (F. 26, 41. Kor. I. 10, 13. Tim. II. 4, 18)
  10. ↑ (Mar. 11, 25. 26. Kol. 3, 13)


Faza 6: Fanohugö huhuo ba hili andrö/He wisa wameʼe ameʼela ba zi numana (6:1-4) | He wisa wangandrö (6:5-15) | He wisa wamoni (6:16-18) | Böi omasi ita ganaʼa (6:19-24) | Böi taʼabusi tödö mbalazo (6:25-34)


Fabaliŵa lala[edit source]

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Mataio/6/Fanohugö_huhuo_ba_hili_andrö/He_wisa_wangandrö&oldid=6270285"