Wb/nia/Mataio/6/Böi taʼabusi tödö mbalazo

From Wikimedia Incubator
< Wb‎ | nia‎ | Mataio
FAZA 6

25 V. Andrö uŵaʼö khömi; Böi miʼabusi tödö[1] nosomi, hadia mbalazomi, ba ma botomi, hadia nukhami. Tenga no ebua noso, moroi ba gö, ba tenga no ebua mboto, moroi ba nukha? [2]

26 Mifaigi wofo andrö, ba dalu mbanua, lö manaru ira ba lö mamasi, lö mangöhöna ba halasa ira, ba ibalazoi ira Amami andrö, si so ba zorugo. Tenga no aröu faehu ami wofo? [3]

27 Ba ha niha ba khömi zangila mondrouʼö faʼanau nosonia samba siʼu, na iʼabusi tödö?

28 Ba ba nukha, ba hana wa miʼabusi tödö? Mitöngöni ladari mböhö andrö ba danö, he wisa wanöinia, lö mohalöŵö ia, lö managu.

29 Ba uŵaʼö khömi, lö si manö waʼasökhi nukha Zelomo, ba lakhöminia andrö fefu, si mane nukha zi sara daʼö.

30 Ba na imanö Lowalangi wamonukha duʼu ba danö, si so maʼökhṍ andre, nitiboʼö ba galitö mahemolu, ba tenga mendrua manö imanö khömi, yaʼami sambö famati?

31 Andrö böi mibusi dödömi ba böi miŵaʼö: Ha maʼā? ma: ha mabadu? ma: ha maʼonukha?

32 Aʼoi sa niʼalui niha baero daʼö fefu; noʼa sa iʼila Amami andrö, ba zorugo, wa soguna khömi daʼö fefu.

33 Miʼofönaiʼö wangalui banua Lowalangi andrö, awö waʼatulö dödö andrö khönia, ba tebeʼe nönönönö dania khömi daʼö fefu. [4] [5]


34 Andrö böi miʼabusi tödö zoguna mahemolu; mahemolu tesöndra lala zabu dödö mahemolu. Noa manö wamakao zi sarasara ngaluo.


(Mataio 6:25-34)


Famotokhi ba gahe[edit | edit source]

  1. Fakhai ia ba wehede; kuatir. Da'a ba wame'e fanötöna ma famati ba niha, wa So'aya zanga'asogö fefu ngawalö zoguna ba niha samati khöNia
  2. (Fil. 4, 6. Fet. I. 5. 7.)
  3. (F. 10, 29—31)
  4. (Luk. 10, 42; 12, 31)
  5. Mataio 6:33 no sambua famahaö nifa'ema Yesu ba Hili, sanandrösa ba wa'aombö dödö niha gulidanö, eluahania, Yesu ifaroi dödö niha sato, ena'ö fangata'ufi So'aya no sambua duho ba wa'auri, ba ngawalö hadia ia, ha nönö.


Faza 6: [[Wb/nia/../Fanohugö huhuo ba hili andrö/He wisa wameʼe ameʼela ba zi numana/|../Fanohugö huhuo ba hili andrö/He wisa wameʼe ameʼela ba zi numana/]] (6:1-4) | [[Wb/nia/../He wisa wangandrö/|../He wisa wangandrö/]] (6:5-15) | [[Wb/nia/../He wisa wamoni/|../He wisa wamoni/]] (6:16-18) | [[Wb/nia/../Böi omasi ita ganaʼa/|../Böi omasi ita ganaʼa/]] (6:19-24) | [[Wb/nia/../Böi taʼabusi tödö mbalazo/|../Böi taʼabusi tödö mbalazo/]] (6:25-34)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior