Wb/nia/Mataio/5/Huhuo Yesu ba hili/Famahowuʼö si sökhi bua-bua
(Faz. 5, 5—7: Faigi göi Luk. 6, 20—49)
1 I. Ba me iʼila niha sato andrö, ba möi ia ba hili, ba me no mudadao ia, ba laʼondrasi ia nifahaönia.
2 Ba ibörötaigö fahuhuo, ifahaö ira, imane:
3 Ya'ahowu zi numana tödö, me khöra mbanua zorugo andrö. [1] [2]
4 Yaʼahowu zebolo tödö, me yaʼira zokhö uli danö dania. [3]
5 Yaʼahowu zabu tödö, me yaʼira nirara tödö dania. [4]
6 Yaʼahowu zolofo ba sowökhi tödö faʼatulö dödö andrö, me yaʼira niʼabusoiʼö dania. [5]
7 Yaʼahowu zahakhö tödö, me yaʼira nihakhösi tödö dania. [6]
8 Yaʼahowu zohauhau tödö, me yaʼira zangila Lowalangi dania. [7]
9 Yaʼahowu zangatulöʼö niha, me yaʼira nofotöi ono Lowalangi dania. [8]
10 Yaʼahowu nigohi ba waʼatulö dödö andrö, me khöra dania mbanua zorugo andrö. [9]
11 Yaʼahowu ami, na laʼoʼaya ami niha, ba na lagohi ami, ba na siw̃a mbalö laböbögö khömi si lö sökhi, na börö ndraʼo. [10]
12 Miʼomusoiʼö dödömi ba miʼowuawuaʼö dödömi, me ebua luomi ba zorugo. No si manö göi ira, wolohi samaʼeleʼö andrö, fönami. [11]
Famotokhi ba gahe[edit | edit source]
- ↑ (Luk. 6, 20. Yes. 57, 15)
- ↑ Ayati 3 ofeta 11 ba faza 5 sura Mataio andre, no la'ila niha ya'ia da'ö Huhuo sebua Yesu ba hili ma ba li Indonesia lamane ; "KHOTBAH DI BUKIT"
- ↑ (Sin. 126, 5. Kor. II. 7, 10)
- ↑ (Sin. 37, 11)
- ↑ (Luk. 6, 21. yoh. 6, 35
- ↑ (F. 25, 35. b. t. Luk. 6, 36. Yak. 2, 13)
- ↑ (Sin. 24, 3—5. yoh. I. 3, 2. 3)
- ↑ (Heb. 12, 14)
- ↑ (Fet. I. 3, 14)
- ↑ (Luk. 6, 22, 23. Fet. I. 4, 14)
- ↑ (Yak. 5, 10. Hal. zin. 7, 52)
Faza 5: Huhuo Yesu ba hili/Famahowuʼö si sökhi bua-bua (5:1-12) | Famarou tödö nifahaö (5:13-16) | Famobawa lala satulö (5:17-48)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö