Wb/nia/Mataio/3/Fangombakhania
7 II. Ba me iʼila, ato zi möi khönia farizaio ba sadukaio[1], nibayagö idanö, ba imane khöra: He yaʼami, ono gulö! ha niha zangoromaʼö khömi lala wangefa ba wönu andrö dania? [2]
8 Miʼaʼasogö saʼae mbua-bua, si nangea bua-bua wamalalini eraʼera.
9 Böi miwai, tola miŵaʼö tödömi: Furugöma Gaberahamo; uŵaʼö sa khömi, iʼila Lowalangi, ibaliʼö maʼuwu Gaberahamo gara andre. [3].
10 Ba no mufaudugö wato ba ŵaʼa geu, ba fefu döla geu saʼae, si lö bua si sökhi, ba laʼobö ba latiboʼö ba galitö. [4]
11 Yaʼodo, ba idanö ubayagö khömi, ba wamalalini eraʼera, ba si so furigu dania, ba sabölö moroi khögu; ambö solohe badagahenia ndraʼodo, ba Eheha niʼamoniʼö ba alitö ibayagö khömi daʼö. [5]
12 So ba dangania dörinia ba ihaogö golayama mbasitö khönia ba ulitö, ba ifaʼanö ba halasa ba adaya andrö, ba itunu ba galitö si lö matemate.
(A. 3, 13—17: Mar. 1, 9—11: Luk. 3, 21. 22: Yoh. 1, 31—34)
Famotokhi ba gahe[edit | edit source]
- ↑ Farizaio, asese latötöi ba khöda lamane Farozai'o ba sadukaio latötöi; Sadukai'o no ba gangolifa niha sangila amakhoita, oi la'ila ngawalö nösi daromali, ba hiza no ambö folo'ö, ba li Indonesia, Farizaio ya'ia da'ö Farisi ba Sadukaio ya'ia da'ö Saduki
- ↑ (F. 12, 34; 23, 33)
- ↑ (Yoh. 8, 33, b. t.)
- ↑ (F. 7, 19. Yoh. 15, 6)
- ↑ (Hal. zin. 13, 24. 25; 2, 3. 4; Yes. 4, 4)
Faza 3: Yohane samayagö idanö (1-6) | Fangombakhania (7-12) | Tebayagö idanö Yesu (13-17)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö [Category:Wb/nia/Mataio]]