Wb/nia/Mataio/27/Laʼetuʼö huku Yesu
(A. 27, 11—26: Mar. 15, 2—15: Luk. 23, 2—4. 17—25: Yoh. 18, 33—40)
11 III. Ba föna gumandru so Yesu. Ba isofu khönia kumandru, imane: Hadia, razo niha Yehuda ndraʼugö? Ba imane Yesu: Yaʼia niŵaʼöu.
12 Ba me laʼadugö ia ere sebua ba satua mbanua andrö, ba löʼö manö itema li.[1]
13 Ba imane khönia Filato: Hadia, lö örongo, hadia ia fefu, wangadugöra yaʼugö?
14 Ba lö itema linia, sambua li löʼö, töbali ahölihöli sibai dödö gumandru.
15 Ba no muböwögö, ero na owasa ibeʼe aefa kumandru ba zato zamösa nikuru, ha niha zomasi ira.
16 Ba so khöra nikuru, safaito, me luo daʼö, Baraba döinia.
17 Ba me owulo ira, ba imane khöra Filato: Ha niha zomasi ami, uʼefaʼö khömi, Baraba andrö, ba ma Yesu andrö, nifotöi Keriso?
18 Noa sa iʼila, börö waʼafökhö dödö, wa labeʼe ia ba dangania.
19 Ba me dumadao ia ba dadaoma zanguhuku, ba ifatenge khönia foʼomonia, imane: Böi babaya niha satulö andrö, noa sa tefakao sibai ndraʼo, ba khönia andrö, ba wangifi me owi.
20 Ba lafaweʼe zato ira, ere sebua ba satua mbanua andrö, enaʼö laʼandrö Mbaraba andrö, ba enaʼö lafakiko Yesu.[2]
21 Ba humede kumandru, imane khöra: Ha niha zomasi ami uʼefaʼö khömi, ba zi darua andrö? Ba lamane: Baraba andrö.
22 Imane khöra Filato: Ba he uwisa khö Yesu andrö, nifotöi Keriso?
23Lamane fefu: Niforöfa! Ba imane: Ba hadia horönia? Ba monönö weʼaora, lamane: Niforöfa!
24 Ba me iʼila Filato, löʼö manö mana ndrösa, ba tedou manö waguaguasa, ba ihalö nidanö, isasai dangania, föna zato, imane: Lö horögu ba ndro daʼe; mifaigi he miwisa.[3]
25 Ba latema linia niha sato fefu, lamane: Yamöi ba huluma ndronia ba ba hulu ndraonoma.[4]
26 Ba aefa daʼö, ba iʼefaʼö khöra Mbaraba andrö, ba Yesu, ba ifaböziʼö ba ibeʼe niforöfa.
Famotokhi ba gahe[edit | edit source]
- ↑ (F. 26, 63)
- ↑ (Hal. zin. 3, 13. 14)
- ↑ (Moz. V. 21, 6 b. t. Sin. 26, 6)
- ↑ (F. 23, 35. Hal. zin. 5, 28)
Faza 27: Laʼohe khö Wilato Yesu (27:1-2) | Faʼamate Yuda (27:3-10) | Laʼetuʼö huku Yesu (27:11-26) | Laʼoʼaya (27:27-30) | Laforöfa (27:31-44) | Mate ia (27:45-56) | Lakoʼo (27:57-61) | Latarogö lewatö (27:62-66)
Fanolo ba wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö
Fabaliŵa lala: Olayama | Angombakhata | Bawagöli zato | Irö'öta | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö