Wb/nia/Mataio/26/Teʼetuʼö hukunia ba rafe sebua andrö

Add links
From Wikimedia Incubator
< Wb‎ | nia‎ | Mataio‎ | 26
Wb > nia > Mataio > 26 > Teʼetuʼö hukunia ba rafe sebua andrö


FAZA 26

(A. 26, 67—68: Mar. 14, 53—65: Luk. 22, 54. 63—71: Yoh. 18, 12—14. 24)

57 VII. Ba laʼohe Yesu sondraʼu yaʼia andrö, laʼohe khö gere sebua andrö, Kayafa, ba zi falukha zangila amakhoita ba satua mbanua andrö.

58 Ba iʼoʼö Fetero, aröu moroi furi, irugi golayama gere sebua andrö, ba möi ia bakha, dumadao ia ba ngai genoni, ba wamaigi lualua.

59 Ba laʼalui ere sebua ba salaŵa rafe sebua andrö fefu, he lawisa wamöbögö horö khö Yesu, ba wamunu yaʼia,[1]

60 ba lö lasöndra, he ŵaʼae ato zi so samöbögö, sofaya. Ba ba gafuriata, ba darua zi so,[2]

61 lamane: No iŵaʼö daʼö: uʼila ududugö gosali Lowalangi andrö, ba ha tölu ngaluo uʼangotomosiʼö.[3]

62 Ba maoso gere sebua, imane khönia: Hadia, lö ötema li ba niböbögö daʼe khöu?

63 Ba lö hedehede Yesu. Ba humede gere sebua, imane khönia: ubeʼe ba hölu ndraʼugö, khö Lowalangi sauri andrö, enaʼö öŵaʼö khöma, na Keriso andrö ndraʼugö, Ono Lowalangi.

64 Imane khönia Yesu: Yaʼia niŵa öu. Ono Lowalangi ndraʼodo. Ba uŵaʼö khömi, iʼotarai daʼe, ba miʼila, dumadao Nono Niha ba gambölö waʼabölo andrö, ba miʼila so ia moroi sa, ba dete lawuo, ba mbanua si yaŵa.[4]

65 Awena isika nukhania ere sebua, imane: No mangaohangaoha ia! Hadia guna zi so ba mbörö saʼae khöda? hiza, faefá mirongo wangaohangaoha andrö.[5]

66 He wisa ba dödömi? Ba latema linia, lamane: Huku tamunu hukunia.[6]

67 Ba ladidiloi mbawania, lagukhui ia, ba so göi zamalisi bawania, [7]

68 lamane: Faʼeleʼö khöma, Keriso, ha niha zamösi yaʼugö?


(Mataio 26:57-68)


Famotokhi ba gahe[edit | edit source]

  1. ↑ (Hal. zin. 6, 13),
  2. ↑ (Sin. 35, 11; 100, 2. Moz. V. 19. 15),
  3. ↑ (F. 27, 40. Yoh. 2, 10)
  4. ↑ (Dan. 7, 13. Hal. zin. 7, 55)
  5. ↑ (Yoh. 10, 33 b. t.)
  6. ↑ (Moz. III. 24, 16. Yoh. 19, 7)
  7. ↑ (Yes. 50, 6),


Faza 26: Famagölö gere, ba wamunu Yesu (26:1-5) | Tebayoini Yesu, ba Mbetania (26:6-16) | Iʼombakhaʼö zi manga mbölinia (26:17-25) | Iʼoroiʼö wemanga niʼamoniʼö andrö (26:26-29) | Mangandrö Yesu ba kabu Gezemane (26:30-46) | Laraʼu ia (26:47-56) | Teʼetuʼö hukunia ba rafe sebua andrö (26:57-68) | Iʼosilöʼögö Yesu Fetero (26:69-75)


Fabaliŵa lala[edit source]

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Mataio/26/Teʼetuʼö_hukunia_ba_rafe_sebua_andrö&oldid=6270256"