Wb/nia/Mataio/26/Mangandrö Yesu ba kabu Gezemane
(A. 26, 30—35: Mar. 14, 26—31)
30 V. Ba me no aefa manunö ira, ba möi ira baero ba gahe hili wanikha andrö.[1]
31 Ba imane khöra Yesu: Dozi teʼala ami ba khögu bongi andre. Noa sa so ba zura: ”ubago dania gubalo andrö, ba muzaewe mbiribiri andrö, nikubaloi.”[2]
32 Ba na aefa maoso ndraʼo, ba mowaö-waödo ba Galilaia, fönami.[3]
33 Ba itema linia Fetero, imane khönia: Ba he dozi teʼala ira ba khöu, ba yaʼo, ba tebai teʼala.[4]
34 Imane khönia Yesu: Si ndruhu niŵaʼögu khöu, bongi andre, lö fakhamö miŵo zilatao, ba no medölu öʼosilöʼögö ndraʼo.[5]
35 Imane khönia Fetero: Ba he mate enaʼö ndraʼo, awöu, ba lö uʼosilöʼögö ndraʼugö. Ba si manö wangumaʼö ndra nifahaö fefu.
(A. 26, 36—46: Mar. 14, 32—42: Luk. 22, 40—46)
36 Ba irugi Yesu halama, Gezemane döinia, fao ira khönia. Ba imane khö ndra nifahaö: Midadao ba daʼe, fatua möido ba daʼö, ba wangandrö.
37 Ba iʼohe awönia Wetero, ba ono Zebedaio andrö, si darua, ba ibörötaigö abu dödö ba alangu dödö.[6]
38 Ba imane khöra: Abu sibai dödögu, irugi waʼamate; miʼiagö daʼe, böi miförö, awögu.
39 Ba möi ia, lö aröu, ifalögu ia tou, mangandrö ia, imane: He Ama, na so lala, ba yamutaluʼi ndraʼo mako andrö. Ba böi somasi ndraʼo, ha somasi ndraʼugö.[7]
40 Ba möi ia khö ndra nifahaö andrö, ba no mörö ira, me irugi, ba imane khö Wetero: Ba tebai si lö mörö ami mato saza, awögu?
41 Böi miförö, ba miangandrö, fa lö itörö ami fanandraigö. Aoha sa gölö dödö, ba no sambö faʼabölö nösi.[8]
42 Ba ifuli möi, zamuza tö, mangandrö ia, imane: He Amagu! na teʼai italuʼi ndraʼo, fa lö ubadu ia, ba yaʼitörö zomasi ndraʼugö.
43 Ba me ifuli ia ba noa zui mörö ira, me irugi, noa sa abua guli höröra.
44 Ba iröi ira, ifuli möi mangandrö, no medölu, si manömanö linia.
45 Aefa daʼö, ba möi ia khö ndra nifahaö andrö, ba imane khöra: Ba miförö saʼae, ba miʼolombase! — Hiza, no fadege, fa tebeʼe ba danga niha si so horö Nono Niha.
46 Mifaoso, talabu, hiza no ahatö zi manga mböligu andrö.
Famotokhi ba gahe[edit | edit source]
- ↑ (Luk. 21, 37; 22, 39)
- ↑ (Sakh. 13, 7. Yoh. 16, 32)
- ↑ (F. 28, 7. 16)
- ↑ (Luk. 22, 33 b. t.)
- ↑ (Yoh. 13, 38)
- ↑ (F. 17, 1. Yes. 53, 7)
- ↑ (F. 20, 22. Yoh. 5, 7. 8)
- ↑ (Fet. I. 5, 8. Gal. 5, 17)
Faza 26: Famagölö gere, ba wamunu Yesu (26:1-5) | Tebayoini Yesu, ba Mbetania (26:6-16) | Iʼombakhaʼö zi manga mbölinia (26:17-25) | Iʼoroiʼö wemanga niʼamoniʼö andrö (26:26-29) | Mangandrö Yesu ba kabu Gezemane (26:30-46) | Laraʼu ia (26:47-56) | Teʼetuʼö hukunia ba rafe sebua andrö (26:57-68) | Iʼosilöʼögö Yesu Fetero (26:69-75)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö