Wb/nia/Mataio/26/Iʼombakhaʼö zi manga mbölinia
(A. 26, 17—20: Mar. 14, 12—16: Luk. 22, 7—18)
17 III. Ba me baŵa roti si lö muʼaisöni, si föföna, ba möi khö Yesu ndra nifahaö, lamane: Hezo zomasiʼö maʼasiwai khöu, ba wemanga wasa?[1]
18 Ba imame: Miʼae miyomo ba mbanua, khö zane, ba mimane khönia: Daʼö niŵaʼö zamahaö khöu: No ahatö ginötö andrö khögu; ba khöu uʼā wasa, awö ndra nifahaögu.
19 Ba laʼoʼö nifahaö andrö niŵaʼö Yesu khöra, ba laʼasiwai wasa andrö.
20 Ba me bongi saʼae, ba möi ia manga, awö zi felendrua andrö.
(A. 26, 21—25: Mar. 14, 18—21: Luk. 22, 21—23)
21 Ba me manga ira, ba imane: Si ndruhu niŵaʼögu khömi, fasamösa ami zi manga mböligu.[2]
22 Ba abu sibai dödöra, ba labörötaigö lamane khönia, dozi ira: Hadia, yaʼodo, Tua?
23 Ba itema lira, imane: Si falulu manga khögu, daʼö zi manga mböligu.[3]
24 Möi sa Nono Niha, itörö nisura andrö ba khönia, ba alai niha andrö, si manga mböli Nono Niha: mohare menaʼö niha andrö, na lö irai tumbu.[4]
25 Ba itema linia Yuda andrö, si manga mbölinia, imane khönia: Ma yaʼodo, samahaö? Ba imane khönia: Yaʼia niŵaʼöu.
Famotokhi ba gahe[edit | edit source]
- ↑ (Moz. II. 12, 3 b. t.)
- ↑ (Yoh. 13, 21 b. t.)
- ↑ (Sin. 41, 10. Yoh. 13, 18. 26)
- ↑ (Sin. 22. Yes. 53. Luk. 22, 19. 20)
Faza 26: Famagölö gere, ba wamunu Yesu (26:1-5) | Tebayoini Yesu, ba Mbetania (26:6-16) | Iʼombakhaʼö zi manga mbölinia (26:17-25) | Iʼoroiʼö wemanga niʼamoniʼö andrö (26:26-29) | Mangandrö Yesu ba kabu Gezemane (26:30-46) | Laraʼu ia (26:47-56) | Teʼetuʼö hukunia ba rafe sebua andrö (26:57-68) | Iʼosilöʼögö Yesu Fetero (26:69-75)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö