Wb/nia/Mataio/25/Fanguhuku ba gamozua

From Wikimedia Incubator
< Wb‎ | nia‎ | Mataio
FAZA 25

31 III. Ba na so Nono Niha, na si so lakhömi ia, na fao khönia malaʼika andrö fefu, ba daʼö dania dumadao ia ba dadaoma lakhöminia andrö.[1]

32 Ba teʼowuloi dania fönania fefu soi, ba iföföʼö ira, si mane na iföföʼö ira mbiribiri si alawe mbiribiri si matua kubalo.[2]

33 Ba ifaʼaso ba gambölönia mbiribiri si alawe, ba ba gaberania mbiribiri si matua.[3]

34 Ba imane dania razo andrö ba zi so ba gambölönia: Mi aine, yaʼami, nifahowuʼö Namagu, mitema gondröita andrö, banua andrö, niʼasiwai khömi, iʼotarai mbö öta danö.

35 Me olofo ndraʼo, ba no mibeʼe gögu; me owökhi dödögu, ba no nifabadugö khögu nidanö; me tome ndraʼo, ba no mifaʼamöido yomo;[4]

36 me lö nukhagu, ba no mifonukha ndraʼo; me mofökhö ndraʼo, ba no möi ami mufaigi ndraʼo; ba me sodo ba gurunga, ba no möi ami khögu.

37 Ba latema dania linia satulö andrö, lamane: He Tua, ha mega maʼila solofo ndraʼugö, ba mabeʼe göu! ba ma sowökhi tödö ndraʼugö, ba mafabadugö khöu nidanö?

38 Ba ha mega maʼila, tome ndraʼugö, ba mafaʼamöiʼö yomo? ba ma si lö nukha ndraʼugö, ba mafonukhaʼö?

39 Ba ha mega maʼila sotökhö ndraʼugö, ba ma si so ba gurunga, ba möiga khöu?

40 Ba itema dania lira razo andrö, imane khöra: Si ndruhu niŵaʼögu khömi, ndrege nilaumi ba dalifusögu andrö, fondrege zi numana, ha niha ia, ba khögu no milao daʼö.[5]

41 Awena dania imane göi ba zi so ba gabera: Milabu ami, yaʼami, niʼelifi, miʼae ba galitö andrö, si lö matemate, niʼebuaʼö khö Gafökha andrö ba ba malaʼikania.[6]

42 Olofo ndraʼo, ba lö nibeʼemi ögu; owökhi dödögu, ba lö nifabadugömi khögu;[7]

43 tome ndraʼo, ba lö nifaʼamöimi yomo yaʼo; lö nukhagu, ba lö nifonukhami yaʼodo; mofökhö ndraʼo, ba ba gurunga sodo, ba lö si möi ami mamaigi yaʼo.

44 Ba latema dania linia, yaʼira göi, lamane: He Tua, ha mega maʼila solofo ndraʼugö, ba ma sowökhi tödö, ba ma tome, ba ma si lö nukha, ba ma sofökhö, ba ma si so ba gurunga ndraʼugö, si lö si möiga ngoningoniu?

45 Ba itema dania lira, imane: Si ndruhu niŵaʼögu khömi, ndrege zi lö nilaumi khö wondrege zi numana andrö, ha niha ia, ba khögu göi lö nilaumi daʼö.

46 Ba möi daʼö ba waʼafökhö si lö aetu andrö, ba satulö andrö, ba möi ba waʼauri si lö aetu.[8]



(Mataio 25:31-46)


Famotokhi ba gahe[edit | edit source]

  1. (F. 16, 27. Luk. 21, 27)
  2. (Rom. 14, 10. Kor. II. 5, 10)
  3. (Hes. 34, 17 b. t.)
  4. (Yes. 58, 7);
  5. (F. 10, 40. Amaed. 19, 17. Mar. 3, 35)
  6. (F. 7, 23. Yes. 30, 33. Fam. 20, 10. 15; 21. 8)
  7. (Yak. 4, 17);
  8. (Dan. 12, 2. Yoh. 5, 29)


Faza 25: Amaedola: Ono alawe si dafulu (25:1-13) | Amaedola: Anaʼa, nibeʼe ba zohare (25:14-30) | Fanguhuku ba gamozua (25:31-46)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior