Wb/nia/Mataio/25/Amaedola: Anaʼa, nibeʼe ba zohare
(A. 25, 14—30: Luk. 19, 11—28)
14 II. Hulö niha sofanö: Humede ia ba zawuyunia, ibeʼe ba dangara zi so khönia.
15 Ibeʼe ba zi samösa, ba lima balaki, ba ba zi samösa, ba dua balaki, ba ba zi samösa, ba samba fondruyu, dali waʼabölö zamösana, ba mofanö ia.
16 Ba iʼanemaʼö möi nibeʼe si lima balaki, ilau ba waniaga, ba fabali.
17 Si manö göi nibeʼe si dua balaki, fabali ibeʼe.
18 Ba nibeʼe si samba fondruyu, ba möi mogoʼoli tanö, ibiniʼö bakha ganaʼa zokhö yaʼia.
19 Ba me no ara, ba so zokhö sawuyu andrö, ba mangerai ömö ia khöra.
20 Ba iʼondrasi ia nibeʼe si lima balaki, iʼohe göi zi lima balaki harenia, imane: Lima balaki nibeʼeu ba dangagu, Tua faigi, lima balaki tö, nisöndragu, harenia.
21 Imane khönia sokhö yaʼia: Lau, sawuyu si sökhi, si lö faröi; lö si faröi ndraʼugö ba zi lö oyaʼoya, ba ubeʼe barö mbawau zoya; tabu ba waʼomuso dödö andrö khö zokhö yaʼugö.[1]
22 Ba iʼondrasi göi ia nibeʼe si dua balaki, imane: Dua balaki nibeʼeu ba dangagu, Tua, faigi dua balaki tö nisöndragu harenia.
23 Imane khönia sokhö yaʼia: Lau, sawuyu si sökhi, si lö faröi; lö si faröi ndraʼugö ba zi lö oyaʼoya, ba ubeʼe barö mbawau zoya; tabu ba waʼomuso dödö andrö khö zokhö yaʼugö.
24 Ba iʼondrasi ia göi nibeʼe si samba fondruyu andrö, imane: He Tua, no uʼila ndraʼugö, wa niha sabeʼe huku ndraʼugö; mamasi ndraʼugö ba zi lö nitarumö ba mangozaraʼö ba zi lö nifazaeweu,
25 ba no ataʼu ndraʼo, ba no möido mubiniʼö zi samba fondruyu andrö khöu barö danö; ba yaʼae khöu ganaʼau.
26 Ba itema linia sokhö yaʼia, imane khönia: He sawuyu si lö sökhi, sareu! Na no öʼila mamasi ndraʼo, ba zi lö nitarugu ba mangozara ndraʼo, ba zi lö nifazaewegu;
27 ba öbeʼe menaʼö nifalali wirögu andrö, ba zamalali anaʼa, ba na so ndraʼo, ba utema enaʼö ganaʼagu, fabaya hare.
28 Ba mihalö khönia zi samba fondruyu andrö, ba mibeʼe ba zi so si fulu balaki.
29 Dozi sa, ba zi so ba tebeʼe na ba tehöna khöra; ba ba zi lö ö, ba teheta göi zi so khönia.[2]
30 Ba sawuyu andrö, si lö guna, ba mitiboʼö baero ba zogömi-gömi. Ba fegeʼege dania ba daʼö ba fatangisa mboha.[3]
Famotokhi ba gahe[edit | edit source]
Faza 25: Amaedola: Ono alawe si dafulu (25:1-13) | Amaedola: Anaʼa, nibeʼe ba zohare (25:14-30) | Fanguhuku ba gamozua (25:31-46)
Fanolo ba wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö
Fabaliŵa lala: Olayama | Angombakhata | Bawagöli zato | Irö'öta | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö