Wb/nia/Mataio/24/Famarou tödö, ba wa lö mörö

FAZA 24

42 III. Andrö, böi miförö, me lö miʼila mbaŵa waʼaso Zoʼaya yaʼami.^[1]

43 Ba daʼö mibeʼe ba dödömi: Na iʼila enaʼö sokhö omo, ha waʼalaŵa mbongi so zanagö, ba lö mörö ia enaʼö, ba itimba enaʼö zanagö, fa lö möi yomo khönia.^[2]

44 Andrö yaʼami göi, mihönagö mifaʼanö ami, me si lö midöna-döna dania Nono Niha, na so ia.

(A. 24, 45—51: Luk. 12, 42—46)

45 Ba ha niha zawuyu andrö, si lö faröi, satuatua, nibeʼe zokhö yaʼia barö mbawa si so yomo khönia, ba wameʼe göra, na inötö wemanga?

46 yaʼahowu zawuyu andrö, na iʼila sokhö yaʼia, na so ia, no iʼoʼö daʼö.

47 Si ndruhu niŵaʼögu khömi, ibeʼe barö mbawania fefu hadia ia, zi so khönia.

48 Ba na iŵaʼö tödönia sawuyu si lö sökhi: Mogasa waʼaso zokhö yaʼo,

49 ba na ibörötaigö ibözi-bözi nawönia sawuyu, ba na manga-manga ia, ba na ibadu-badu hadia ia, awö zi mabu-mabu andrö;

50 ba so dania zokhö sawuyu andrö, na luo lö idöna-döna ba gamaudu waʼalaŵa luo, na iwai lö yaʼia na;

51 ba iʼötö dalu zawuyu andrö, ba ibeʼe gurakhania awö zamini tödö andrö; ba fegeʼege dania ba daʼö ba fatangisa mboha.^[3]

(Mataio 24:42-51)

Famotokhi ba gahe[edit | edit source]

↑ (F. 25, 13. Mar. 13, 33)
↑ (Luk. 12, 39 b. t. Fet. II. 3, 10. Fam. 3, 3)
↑ (F. 22, 13; 25, 30)

Faza 24: Famaʼeleʼö fanudugö yeruzalema (24:1-28) | Famaʼeleʼö faʼatua danö (24:29-41) | Famarou tödö, ba wa lö mörö (24:42-51)

Halöŵö si fakhai: Wikikamus | Wikipedia | Wikiyunior

[1] (F. 25, 13. Mar. 13, 33)

[2] (Luk. 12, 39 b. t. Fet. II. 3, 10. Fam. 3, 3)

[3] (F. 22, 13; 25, 30)

[1]

[2]

[3]