Wb/nia/Mataio/24/Famaʼeleʼö faʼatua danö

From Wikimedia Incubator
< Wb‎ | nia‎ | Mataio‎ | 24
Wb > nia > Mataio > 24 > Famaʼeleʼö faʼatua danö


FAZA 24

(A. 24, 29—36: Mar. 13, 24—32: Luk. 21, 25—33)

29 II. Ba aefa siʼaikö wamakao andrö, na luo daʼö, ba taya haga luo, ba löʼö saʼae humaga mbaŵa, ba atoru ndröfi moroi ba mbanua si yaŵa, ba humeuheu wangaro mbanua si yaŵa.[1]

30 Ba aefa daʼö, ba oroma dandra Nono Niha andrö ba mbanua si yaŵa, ba megeʼege fefu soi ba guli danö, ba laʼila dania Nono Niha, si so moroi si yaŵa, ba dete lawuo ba mbanua, fao waʼabölö ba lakhömi sebua.[2]

31 Ba ifatenge malaʼikania, telau dorofe sebua li, ba laʼowuloi khönia nitutuyunia andrö, moroi ba zi fasui, iʼotarai wondrege danö, numalö ba wondregenia tánö sa.[3]

32 Ba ba marafala mitöngöni wamaedo andrö: Na moʼidanö ndrahania, na tumbu lehelehe, ba miʼila, no ahatö mbaŵa waʼaukhu zino.[4]

33 Si manö göi ami, na miʼila daʼö fefu, ba oroma khömi, no ahatö ia.

34 Si ndruhu niŵaʼögu khömi, lö fakhamö atua niha si sagötö andre, ba no alua daʼö fefu.[5]

35 Atua mbanua ba atua danö, ba lö awuʼa niŵaʼögu.

36 Ba baŵa andrö ba inötö, ba lö sangila, he malaʼika ba zorugo, he Ono; ha Ama zangila.[6]

(A. 24, 37—41: Luk. 17, 26—36)

37 Ba hulö si mane me luo Noakhi, si manö göi waʼaso Nono Niha andrö dania.[7]

38 Hulö si mane yaʼira sa, me luo föna waʼanönö danö andrö, mangamanga ira ba mamadumadu hadia ia, mangowalu ba mameʼe nihalö, irugi luo möi baowo Noakhi,

39 ba lö aboto ba dödöra, irege so waʼanönö andrö ba irege ahori ira fefu, si manö göi dania waʼaso Nono Niha andrö.

40 Darua dania zi so ba nowi; samösa nihalö ba si samösa, ba niröi.

41 Darua ndra alawe sanutu fakhe ba lösu; samösa nihalö ba si samösa, ba niröi.



(Mataio 24:29-41)


Famotokhi ba gahe[edit | edit source]

  1. (Yes. 13, 10. Fam. 6, 12 b. t.)
  2. (F. 25, 31, Dan. 7, 13. Fam. 1, 7. Mar. 14, 62)
  3. (F. 13, 41. Tes. I. 4, 16)
  4. (Luk. 21, 37)
  5. (F. 16, 28)
  6. (Tes. I. 5, 1 b. t.)
  7. (Moz. I. 6, 5. 11 b. t.)


Faza 24: Famaʼeleʼö fanudugö yeruzalema (24:1-28) | Famaʼeleʼö faʼatua danö (24:29-41) | Famarou tödö, ba wa lö mörö (24:42-51)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö