Wb/nia/Mataio/21/Feʼamöi Yesu miyomo ba Yeruzalema

From Wikimedia Incubator
< Wb‎ | nia‎ | Mataio‎ | 21
Wb > nia > Mataio > 21 > Feʼamöi Yesu miyomo ba Yeruzalema
FAZA 21

(A. 21, 1—11: Mar. 11, 1—10: Luk. 19, 29—38: Yoh. 12, 12—18)

1 I. Ba me no ahatö ira ba Yeruzalema, me larugi Mbetifage, ba gahe hili wanikha, ba ifatenge nifahaönia Yesu, darua,

2 imane khöra: Miʼae ba mbanua sideʼide andrö, fönami, ba iʼanemaʼö falukha ami galide si alawe niʼamöhögö ba so göi nono; mitotoʼö wesu ba miʼohe ia khögu.

3 Ba na so zangumaʼö khömi hadia ia, ba mimane: Moguna khö Dua, ba iʼanemaʼö ifaʼoheʼö.

4 Andrö si manö, enaʼö itörö niŵaʼö zamaʼeleʼö andrö, me imane: ”Miŵaʼö khö nono Ziona alawe andrö:

5

”Hiza, iʼondrasiʼö razomö, sebolo tödö, fakudo ia ba hulu galide, ba ba hulu nono zonoro”

[1]

6 Ba möi nifahaö andrö, laʼoʼö niŵaʼö Yesu, khöra, laʼohe galide andrö,

7 awö nono, ba labologö nukha ba hulu ba fakudo ia yaŵa.

8 Ba ato niha samologö ba lala nukhara; ba so zoleŵa tuturu geu ba lafazawili ba lala.[2]

9 Ba muʼao niha sato, si so föna, awö zoloʼö moroi furi, lamane:

”Hozana khö maʼuwu Dawido andrö, yaʼahowu zi so andrö, ba döi Zoʼaya; hozana ba zalaŵa yawa!”

[3]

10 Ba me irugi yomo ba Yeruzalema, ba humufa mbanua maʼafefu, lamane: Ha niha daʼö?

11 Ba lamane niha sato: Daʼö zamaʼeleö andrö, Yesu, banua Nazareta, ba Galilaia.[4]


(Mataio 21:1-11)


Famotokhi ba gahe[edit | edit source]

  1. (Sakh. 9, 9)
  2. (Sal. II. 9, 13)
  3. (Sin. 118, 25. 26)
  4. (F. 2, 23. Yoh. 1, 46)


Faza 21: Feʼamöi Yesu miyomo ba Yeruzalema (21:1-11) | Fangehao osali (21:12-17) | Marafala si mate (21:18-22) | Lasofu, hana wa tola imanö Yesu (21:23-32) | Amaedola: Sohalöŵö ba kabu nagu (21:33-46)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö