Wb/nia/Mataio/21/Amaedola: Sohalöŵö ba kabu nagu

From Wikimedia Incubator
< Wb‎ | nia‎ | Mataio
FAZA 21

(A. 21, 33—46: Mar. 12, 1—12: Luk. 20, 9—19)

33 V. Mifondrondrongo gamaedola böʼö: So niha, satua baomo, samazökhi kabu nagu, ifasui öli, ikoʼo ba danö wolazi, ba iʼotomosi malige, ba ibeʼe niseŵa kabu andrö ba zohalöŵö, ba ilau mofanö.[1]

34 Ba me no ahatö mbaŵa wangai bua, ba ifatenge zawuyunia ba zohalöŵö andrö, ba wanema bua nagu khönia.

35 Ba laraʼu zawuyunia andrö sohalöŵö: so niböbözi, so nibunu manö, ba so nibunu nitebu kara.[2]

36 Ba ifuli ifatenge zawuyu böʼö, ato moroi ba zi föföna andrö, ba lamanö göi ba daʼö.

37 Ba ba gafuriata, ba ifatenge khöra nononia, imane: Ataʼu ira nonogu.[3]

38 Ba me laʼila nononia andrö sohalöŵö, ba lamane dödöra: Sanema ondröita daʼö, talabu, tabunu ia ba tahalö khöda gondröita andrö khönia.[4]

39 Ba laraʼu ia, latuliʼö baero kabu nagu, ba labunu.[5]

40 Ba na möi zokhö kabu nagu andrö, ba he iwisa ba zohalöŵö andrö?

41 Lamane khönia: Ihaogö wamakiko sebua horö andrö, ba kabu nagu andrö, ba ibeʼe niseŵa ba zohalöŵö böʼö, sameʼe bua khönia na baŵania.

42 Imane khöra Yesu: Hadia, lö mirai miʼila ba zura:

”Gowe andrö, nitiboʼö zotomo andrö, ba no tobali toyo ba watalinga; khö Zoʼaya moroi daʼö, ba sahölihöli dödöda.”

[6]

43 Andrö uŵaʼö khömi: Laheta dania khömi mbanua Lowalangi andrö, ba labeʼe ba niha sowua buania.[7]

44 Ba sarasa zalau ba gowe andrö, ba nilangönia, ba imama.[8]

45 Ba me larongo gamaedola andrö khönia ere sebua ba farizaio, ba aboto ba dödöra, wa khöra itandrösaigö daʼö.

46 Ba laʼalui wondraʼu yaʼia, ba no ataʼu ira niha sato, me ba dödöra samaʼeleʼö ia.[9]


(Mataio 21:33-46)


Famotokhi ba gahe[edit | edit source]

  1. (Yes. 5, 1 b. t. Yer. 2, 21)
  2. (F. 22. 6)
  3. (Heb. 1, 1. 2)
  4. (F. 26, 3. 4. 66; 27, 23)
  5. (F. 23, 37. Heb. 13, 12)
  6. (Sin. 118, 22. 23. Hal. zin. 4, 11. Yes. 28, 16)
  7. (Hal. zin. 13, 46)
  8. (Yes. 8, 14. 15. Dan. 2, 34 b. t.)
  9. (Luk. 7, 16. Luk. 19, 48. Mar. 12, 12)


Faza 21: Feʼamöi Yesu miyomo ba Yeruzalema (21:1-11) | Fangehao osali (21:12-17) | Marafala si mate (21:18-22) | Lasofu, hana wa tola imanö Yesu (21:23-32) | Amaedola: Sohalöŵö ba kabu nagu (21:33-46)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior