Wb/nia/Mataio/20/Amaedola: Luo zohalöŵö ba kabu nagu

From Wikimedia Incubator
< Wb‎ | nia‎ | Mataio
FAZA 20

1 I. Noa sa fakhili-khili ira mbanua zorugo andrö niha, satua baomo, si möi, si hulö wongi, mangoni sohalöŵö ba kabu nagu khönia.[1]

2 Ba me no mamagölö ira zohalöŵö, sasuku maʼökhö luora, ba ifatenge ira ba kabu nagu andrö khönia.

3 Ba me ifuli möi, me labözi siŵa, ba iʼila dánö böʼö, si so ba kade, si lö halöŵö,

4 ba imane khöra: Miʼaeʼe, yaʼami göi, ba kabu nagu, ba si nangea luomi, ba ubeʼe khömi.

5 Ba möi ira. Ba ifuli möi me laluo ba me labözi tölu, ba imanö zui.

6 Ba me möi ia me labözi lima, ba falukha ia dánö böʼö, si so ba daʼö, ba imane khöra: Hadia wa miʼomaʼökhöi manö ba daʼe, lö halöŵö?

7 Lamane khönia: Me lö sangoni yaʼaga. Imane khöra: Miʼaeʼe göi, ba kabu nagu andrö.

8 Ba me bongi saʼae, ba imane sokhö kabu nagu andrö khö durutulinia: Hede ba zohalöŵö andrö ba beʼe luora; börögö ba zafuria möi, numalö ba zi föföna andrö.[2]

9 Ba laʼondrasi niʼoni me labözi lima, ba sasuku zamösa luora.

10 Ba me so zi föföna andrö, ba lawai ebua zinemara. Ba tebeʼe sasuku zamösa khöra göi.

11 Ba me no latema daʼö, ba kumökökökö ira khö zatua baomo andrö,[3]

12 lamane: Ha saza wohalöŵö zafuria andrö, ba no fagölö-gölö ndraʼaga öbeʼe, yaʼaga si no manaha faʼafökhö andrö, maʼömaʼökhö, awö waʼaukhu zino.[4]

13 Ba itema li zi samösa andrö, imane: He le, lö ulimo ndraʼugö. Tenga no mamagölö ita ba zi sasuku?

14 Halö dána khöu ba ofanö. Somasido, ufagölö-gölö wameʼe khömi safuria andre.

15 Ma lö tola uʼoʼö manö nilau dödögu ba zi so khögu? Ma afökhö dödöu, me no sebua tödö ndraʼo?[5]

16 Si manö wa tobali si so föna zi so furi, awö wa tobali si so furi zi so föna.[6]


(Mataio 20:1-16)


Famotokhi ba gahe[edit | edit source]

  1. (F. 21, 33)
  2. (F. 19, 30)
  3. (Luk. 15, 29 b. t.)
  4. (F. 19, 29)
  5. (Rom. 9, 21, b. t.)
  6. (F. 19, 30; 22, 14)


Faza 20: Amaedola: Luo zohalöŵö ba kabu nagu (20:1-16) | Ifuli iʼombakhaʼö wamakao yaʼia Yesu (20:17-19) | Ina nono Zebedaio andrö (20:20-28) | Ifadöhö Yesu hörö niha sauʼa, darua (20:29-34)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior